Fondo X21

O documental “Cantos na Maré” recolle os 16 anos da historia deste festival co que colabora a Xunta de Galicia

O secretario xeral de Política Lingüística, Valentín García, participou na presentación do documental “Cantos na Maré”, unha iniciativa realizada ao abeiro do Fondo de Proxectos Culturais da Xunta de Galicia que recolle a historia e a traxectoria do festival internacional de música lusófona.

Fonte: O Portal da Lingua Galega

'Ourense Universo Literario' concentra dúas semanas de propostas culturais para todos os públicos co apoio da Xunta

O secretario xeral de Política Lingüística, Valentín García, acompañou ao presidente do Liceo de Ourense, Javier Casares Mouriño, na presentación de “Ourense Universo Literario. De Ourense e desde Ourense para o mundo”, impulsado pola Xunta de Galicia a través do Fondo de Proxectos Culturais Xacobeo 21-22.

Fonte: O Portal da Lingua Galega

‘O soño musical dos corpos celestes’ funde arte e ciencia arredor do Camiño co apoio da Xunta

O proxecto científico-artístico O soño musical dos corpos celestes, impulsado polo ArtLab do Instituto Galego de Física de Altas Enerxías (IGFAE) estréase o vindeiro 7 de setembro no compostelán colexio de Fonseca co apoio da Xunta de Galicia, da Universidade de Santiago de Compostela (USC) e do Concello de Santiago.

Fonte: O Portal da Lingua Galega

A música en lingua galega chega ao Festival Go!Go!Zo! Xacobeo 21-22 co apoio da Xunta

A Xunta de Galicia impulsa o ciclo Novas Músicas en Galego que se enmarca no Go!Go!Zo! Xacobeo 21-22, o festival que se celebra desde mediados de xullo no Monte do Gozo, en Santiago de Compostela, e que acolle o venres 3 de setembro as actuacións en galego de Mounqup e Saya DJ.

Fonte: O Portal da Lingua Galega

O Fondo de Proxectos Culturais Xacobeo da Xunta impulsa un encontro de artistas, arquitectos, científicos e escritores en Fisterra

O secretario xeral de Política Lingüística, Valentín García, presentou no Pazo de San Roque Des-enfocar Fisterra, unha iniciativa de Cooperativa Performa impulsada polo Fondo de Proxectos Culturais Xacobeo 21-22 en colaboración co Concello de Fisterra.

Fonte: O Portal da Lingua Galega

Valentín García asiste ao concerto que a Banda de Música Municipal da Estrada presenta ao abeiro do Fondo de Proxectos Culturais Xacobeo 21-22

O secretario xeral de Política Lingüística, Valentín García, acudiu ao concerto “A Rapa das Bestas” que a Banda de Música Municipal da Estrada realizou ao abeiro do Fondo de Proxectos Culturais Xacobeo 21-22.

Fonte: O Portal da Lingua Galega

O Fondo de Proxectos Culturais Xacobeo da Xunta impulsa un foro sobre o papel dos dj's na música galega

O secretario xeral de Política Lingüística, Valentín García, presentou xunto ao xornalista musical e DJ Carlos Crespo o I Foro sobre o papel dos disc-jóckeys na difusión da música galega, unha iniciativa que xurde ao amparo do Fondo de Proxectos Culturais Xacobeo da Xunta.

Fonte: O Portal da Lingua Galega

Valentín García inaugura a exposición que Xosé L. Seara presenta ao abeiro do Fondo de Proxectos Culturais Xacobeo 21

O secretario xeral de Política Lingüística, Valentín García, participou na inauguración da exposición de pintura, debuxo e cerámica Camiño Longo, do pontevedrés Xosé Luís Seara. No acto, que incluíu unha visita guiada, interviñeron tamén Tino Cordal, concelleiro de Cultura de Cambados, e o propio artista.

Fonte: O Portal da Lingua Galega

A Secretaría Xeral de Política Lingüística publica a segunda resolución administrativa de proxectos do Fondo Xacobeo 2021

Esta resolución administrativa contén a relación de proxectos seleccionados con carácter definitivo (que eran provisionais na primeira resolución publicada); a relación de proxectos (da primeira resolución) que causan baixa definitiva; o requirimento colectivo ás persoas titulares da lista da agarda con puntuación suficiente para cubrir as baixas definitivas; a corrección de erros de datos identificativos; e a lista de agarda actualizada.

As persoas titulares de proxectos admitidos con carácter provisional do anexo III teñen de data límite ata o luns 5/07/2021 para acreditar documentalmente que teñen persoal contratado para a execución do contrato.

Fonte: O Portal da Lingua Galega

O Fondo de Proxectos Culturais Xacobeo 21-22 impulsará máis dun millar de actividades presenciais con 3 M€ na súa segunda edición

O conselleiro de Cultura, Educación e Universidade, Román Rodríguez, anunciou que a Xunta de Galicia impulsará máis dun millar de actividades presenciais a través da segunda convocatoria do Fondo de Proxectos Culturais Xacobeo 21-22, o programa da Xunta de Galicia posto en marcha no marco do Plan de Reactivación cultural que na súa segunda edición conta cun orzamento de 3 M€. O obxectivo é apoiar ao tecido cultural e inxectar liquidez nas empresas ao tempo que se configura unha oferta de lecer en galego, ampla, plural e de calidade.

Fonte: O Portal da Lingua Galega

Boletín

Subscríbase ao boletín

Logo Feder