A delegada da Xunta en Ferrol, Martina Aneiros, abriu a sesión de prototipado do Laboratorio de Apoderamento Lingüístico de Ferrolterra deseñado pola cooperativa Rexenerando ao abeiro do programa TeCe Redes en galego da Secretaría Xeral de Política Lingüística.

Fonte: O Portal da Lingua Galega

A Xunta de Galicia programa este verán 300 actividades familiares, xuvenís e infantís coa campaña Tece Redes en galego, que chegará a diferentes localizacións de Galicia e dará a coñecer a lingua galega desde un punto de vista lúdico.

Fonte: O Portal da Lingua Galega

O secretario xeral de Política Lingüística, Valentín García, asistiu no Pazo de San Roque á presentación da serie documental Corpo de vento: viaxe ao corazón dos órganos galegos, realizado pola produtora Sirgo Torcendo ao abeiro do Fondo de Proxectos Culturais Xacobeo 21-22 da Xunta de Galicia.

Fonte: O Portal da Lingua Galega

O secretario xeral de Política Lingüística, Valentín García, participou na presentación da guía da Real Academia Galega (RAG) Ideas para un plurilingüismo dende o galego no Concello de Ames, un dos proxectos levados a cabo ao abeiro do Fondo de proxectos culturais Xacobeo 21-22 da Xunta de Galicia.

Fonte: O Portal da Lingua Galega

O secretario xeral de Política Lingüística, Valentín García, participou na presentación do libro en galego Crónica dun peregrino singular da editorial Mundiediciones, editado no marco do Xacobeo 21-22 en colaboración coa Academia Xacobea e apoiado pola Xunta de Galicia.

Fonte: O Portal da Lingua Galega

O secretario xeral de Política Lingüística, Valentín García, participou na presentación do proxecto dixital “Memoria e patrimonio”, realizado ao abeiro do Fondo de Proxectos Culturais en lingua galega Xacobeo 2021-2022 da Xunta de Galicia.

Fonte: O Portal da Lingua Galega

O secretario xeral de Política Lingüística, Valentín García, presentou dous dos documentais producidos ao abeiro do Fondo de Proxectos culturais Xacobeo 2021-2022, un sobre a figura de Vicente Risco e outro sobre o traxe galego.

Fonte: O Portal da Lingua Galega

O prazo para presentar proxectos á convocatoria do fondo “TeCe Redes en Galego” remata o luns 25 de abril. Trátase da primeira edición deste novo repositorio de proxectos dixitais e servizos presenciais creado ao abeiro do Fondo de Proxectos Culturais Xacobeo 21-22. Dotado cunha cantidade inicial de 500 000 euros, esta iniciativa nace co obxectivo de fornecer de materiais e actividades a través dun programa de dinamización lingüística e de transmisión xeracional dirixido a un público infantil, xuvenil e familiar.

Todas as empresas, cooperativas e profesionais do sector cultural, creativo e artístico vinculadas cos procesos de dinamización da lingua galega no desenvolvemento da súa actividade poderán presentar as súas solicitudes ata o 25 de abril a través da Sede Electrónica da Xunta de Galicia. Neste senso, outra novidade respecto das anteriores convocatorias é que a devandita solicitude non se presenta como tal a través do procedemento PR004A, senón que se elaborará a través da aplicación web dispoñible no Portal da Lingua Galega.

As bases completas, así como o a guía do procedemento de participación, poderán consultarse no Portal da Lingua Galega. Ademais, as persoas interesadas poderán dirixir as súas dúbidas e consultas ao teléfono 687 041 884 ou ao correo electrónico tcr-galego@xunta.gal.

Fonte: O Portal da Lingua Galega

A Xunta convoca a primeira edición de TeCe Redes en Galego, o novo repositorio de proxectos dixitais e servizos presenciais creado ao abeiro do Fondo de Proxectos Culturais Xacobeo 21-22. Dotado cunha cantidade inicial de 500 000 euros, esta iniciativa nace co obxectivo de fornecer de materiais e actividades a través un programa de dinamización lingüística e de transmisión xeracional dirixido a un público infantil, xuvenil e familiar.

Fonte: O Portal da Lingua Galega

O secretario xeral de Política Lingüística, Valentín García, e o presidente da Asociación de Escritoras e Escritores en Lingua Galega (AELG), Cesáreo Sánchez, presentaron o proxecto A literatura galega nas súas voces, impulsado pola AELG ao abeiro do Fondo de Proxectos Culturais Xacobeo 21-22.

Fonte: O Portal da Lingua Galega