Segundo a Enquisa de Usos Lingüísticos da Poboación (2023), o catalán perdeu presenza social desde 2003 e deixou de ser maioritario en diferentes ámbitos, con retrocesos claros nas amizades, no fogar, no comercio, na banca e na atención sanitaria. O uso exclusivo do catalán baixou de forma marcada e medrou o peso doutras linguas, ao tempo que aumenta a identificación simultánea con catalán e castelán. A enquisa tamén amosa que só unha minoría mantén o catalán cando a outra persoa responde en castelán (13,2%), aínda que as persoas maiores o sosteñen máis ca os grupos novos. Ademais, medra a proporción de quen non pensa empregar o catalán no futuro, o que reforza a idea dun cambio de tendencia a longo prazo.
Fonte: Diari de la Llengua
Comunidade:
Sección:
