O Concello de Barcelona e o Instituto de Estudos Cataláns puxeron en marcha unha proba piloto en espazos de mocidade e clubs deportivos de Sants-Montjuïc para reverter a caída do uso social do catalán. O proxecto busca promover a lingua entre adolescentes a través de actividades de lecer e deporte, integrándoa nos contextos cotiáns da mocidade. A iniciativa, baseada no método IEC 360°, pretende avaliar os resultados e estender o modelo a outros distritos.
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
24 de outubro de 2025
24 de outubro de 2025
Saíu do prelo o último número das famosas aventuras de Astérix e Obélix, Astérix en Lusitania, que terá tradución nun total de 19 linguas.
Fonte: RTÉ
24 de outubro de 2025
O secretario xeral da Lingua, Valentín García, e o director xeral de Centros e Recursos Humanos, Jesús Álvarez, participaron na presentación das tres obras galardoadas na XXIX edición do Premio Literario San Clemente Rosalía de Castro, promovido polo Instituto Rosalía de Castro.
Fonte: O Portal da Lingua Galega
24 de outubro de 2025
Economía Dixital Galicia incorpora o portugués ás súas versións en galego e castelán, nun proxecto que busca fortalecer os vínculos económicos, culturais e lingüísticos entre Galicia e o Norte de Portugal e expandirse ao conxunto da lusofonía. A nova edición aspira a ser unha plataforma de referencia para o intercambio informativo e empresarial entre ambas as rexións, coa integración tamén datos dos principais mercados portugueses.
24 de outubro de 2025
Unha coalición de socios africanos e internacionais puxo en marcha unha iniciativa para desenvolver modelos de linguaxe ampla africanos e inclusivos, co obxectivo de reforzar o ecosistema de intelixencia artificial do continente.
Fonte: Business Insider Africa
24 de outubro de 2025
Varios dirixentes en Letonia expresaron preocupación polo aumento de anglicismos no uso diario da lingua estatal e reclamaron que se fomente o respecto e o uso habitual da lingua letoa para garantir a súa vitalidade e identidade cultural.
Fonte: Baltic News Network
24 de outubro de 2025
O mandatario indonesio, Prabowo Subianto, declarou que a lingua portuguesa será incluída como prioridade no sistema educativo do seu país, tanto nas escolas como nas universidades, co obxectivo de fortalecer a cooperación entre Indonesia e o Brasil.
Fonte: Notícias ao Minuto
23 de outubro de 2025
O Concello de Alcoi organiza a segunda edición do Curso de Asertividade Lingüística Organizacional 2025, dirixido ao persoal da administración local. A formación, que se desenvolverá entre o 27 de outubro e o 10 de novembro, busca mellorar a comunicación e promover unha actitude respectuosa e igualitaria no uso do valenciano e das demais linguas.
Fonte: Ajuntament d'Alcoi
23 de outubro de 2025
A asociación de farmacéuticos euscaldúns (FEUSE) celebra o seu 30 aniversario na Facultade de Farmacia da Universidade do País Vasco coa xornada «Asteazken Kulturala». O acto combinará a presentación da traxectoria da asociación, unha charla sobre intelixencia artificial aplicada á sanidade e unha mesa redonda sobre a relevancia do éuscaro no ámbito farmacéutico. O obxectivo é reforzar o compromiso coa lingua e a profesión, achegar a asociación ao alumnado e fomentar a participación interxeracional dos profesionais euscaldúns.
23 de outubro de 2025
Valentín García destaca o “valor para a lingua” do epistolario de Neira Vilas e Xesús Alonso Montero
O secretario xeral da Lingua, Valentín García, destacou “o valor que ten para a nosa lingua que dúas figuras de relevancia para a nosa cultura a utilizaran no intercambio de cartas na súa época”. Así o afirmou na presentación do libro Correspondencia 1965-2014, publicado pola Editorial Galaxia, e que recolle as epístolas que intercambiaron nesa época Xosé Neira Vilas e Xesús Alonso Montero.
Boletín
Subscríbase ao boletín
