A Xunta abre á cidadanía o proceso de actualización do Plan xeral de normalización da Lingua galega, habilitando unha caixa virtual para recoller as achegas de todas aquelas persoas que desexen participar. Así o anunciou o conselleiro de Cultura, Lingua e Xuventude, José López Campos nunha reunión mantida cos responsables das 11 comisións formadas para levar a cabo o proceso de renovación.
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
23 de xullo de 2025
23 de xullo de 2025
O director xeral de Cultura, Anxo M. Lorenzo, participou na presentación da segunda edición de Pontedeume Vila do Libro, que se celebrará na vila coruñesa entre o 22 e o 24 de agosto cun programa centrado na memoria e identidade galega.
Fonte: O Portal da Lingua Galega
23 de xullo de 2025
O 25 de xuño entrou en vigor a primeira lei nacional específica sobre lingua de signos no Xapón. Esta obriga os gobernos central e locais a adoptaren medidas para fomentar o uso e a aprendizaxe da lingua de signos. A norma desenvolverase como paso previo ás Xordolimpíadas que se celebrarán en novembro de 2025 en Tokio e que acollerán uns 6.000 deportistas de 70–80 países.
Fonte: Japan Today
22 de xullo de 2025
Até o venres 25 de xullo, o campus de El Milan en Oviedo acolle dous cursos de verán promovidos pola Academia da Lingua Asturiana en colaboración coa Universidade de Oviedo: un intensivo de nivel B2 e outro centrado no teatro asturiano.
Fonte: La Vanguardia
21 de xullo de 2025
Simão Campos, conselleiro da Unión Internacional de Telecomunicacións, insta os países lusófonos a investiren mais na intelixencia artificial con desenvolvedores que falen portugués. Sinala que esta tecnoloxía está dominada polo inglés, mais debería aproveitarse tamén para codificar linguas locais aínda non escritas e reforzar o uso do portugués no adestramento de sistemas.
Fonte: ONU News
21 de xullo de 2025
Segundo datos da Eurostat, en 2019, Luxemburgo e Francia foron os países da UE con máis alumnado de ensino secundario estudando dúas ou máis linguas estranxeiras, cunha porcentaxe do 100 %. Outros estados como Estonia, Romanía, Chequia e Finlandia tamén superaron o 99 %. Os países coas porcentaxes máis baixas foron Grecia (1 %), Portugal (6 %) e Italia (25 %).
Fonte: Contacto
21 de xullo de 2025
Na XX edición do Premio Castelao de Banda Deseñada da Deputación da Coruña, as obras Maré, de Manuel Barreiro Rozados e Elías Oliver Taño, e Narices!, de Giovanna Lopalco, foron galardoadas nas categorías xeral e infantil-xuvenil, respectivamente.
Fonte: Deputación da Coruña
21 de xullo de 2025
A Facultade de Filoloxía da Universidade de Vigo acolleu a defensa da tese de doutoramento de María Luz Esteban Saiz, sociolingüista e persoa xorda, quen realizou toda a exposición en lingua de signos española, converténdose así na primeira en facelo en Galicia. O seu traballo, cun marcado impacto social, analiza a evolución da política lingüística da lingua de signos española desde 1980 até hoxe, visibilizando as desigualdades que afectan á comunidade xorda e reivindicando os seus dereitos lingüísticos.
21 de xullo de 2025
O Goberno de Navarra asinou un acordo con Laba Elkartea, asociación que promove a cultura vasca, co obxectivo de fomentar o uso do éuscaro en espazos sociais. O convenio inclúe actividades culturais e educativas que incentivan a visibilidade e a práctica diaria da lingua.
Fonte: Euskarabidea
21 de xullo de 2025
O executivo vasco outorga unha axuda directa á asociación Garabide Kultur Elkartea para promover a cooperación internacional con pobos francófonos que traballan pola revitalización das súas linguas propias. A iniciativa aposta polo intercambio de experiencias e a solidariedade lingüística entre pobos.
Fonte: Euskadi
Boletín
Subscríbase ao boletín
