O Concello de Donostia destinará 50 000 euros para apoiar as entidades sen ánimo de lucro que promoven o uso do éuscaro nos barrios. Once zonas con comisións de éuscaro recibirán axudas para actividades anuais, mentres que se asignará a outras sen comisións fondos específicos para organizar accións en datas concretas.
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
30 de xullo de 2025
30 de xullo de 2025
O Ministerio de Educación de Indonesia, a través da Axencia de Desenvolvemento e Fomento da Lingua, fai un chamamento á colaboración de todos los sectores e institucións para preservar as 718 linguas rexionais do país. O xefe da Axencia Lingüística, Hafidz Muksin, destacou durante unha conferencia pública a importancia de protexer esta diversidade lingüística como parte do patrimonio ancestral de Indonesia.
Fonte: Jakarta Globe
29 de xullo de 2025
O 25 de xullo, Nós Diario publicou o caderno 100 ideas para expandir a lingua galega con propostas para promover o uso do galego, elaborado por 10 persoas expertas de distintos sectores. Cada unha delas achega 10 accións específicas para avanzar na normalización da lingua nas súas áreas de traballo, que suman un total de cen ideas que buscan fortalecer a presenza do galego na sociedade.
29 de xullo de 2025
PuntoGal e Raiola Networks presentan omeu.gal, o primeiro servizo de correo electrónico gratuíto con dominio .gal, creado en software libre e integramente en galego. Este proxecto busca reforzar a presenza desta lingua no ámbito dixital e prevé futuras versións melloradas e novas colaboracións no eido das TIC.
29 de xullo de 2025
O Pleno do Concello de Barcelona acordou crear caixa do correo virtual polo catalán, na que a veciñanza poderá denunciar vulneracións dos seus dereitos lingüísticos, e ampliar a oferta de cursos e prazas para aprender esta lingua.
Fonte: El Nacional
29 de xullo de 2025
Ante a redución do apoio institucional ás linguas propias de Aragón por parte do actual goberno autonómico, o executivo estatal aprobou axudas para fomentar o catalán e o aragonés. Ao tempo, a Universidade de Zaragoza e a Academia Aragonesa da Lingua asinaron un convenio para promover, normalizar e protexer estes idiomas mediante accións culturais, educativas e tecnolóxicas.
29 de xullo de 2025
A Universidade de Estudos Estranxeiros de Beijing volverá ofrecer clases de catalán no segundo semestre do curso que vén. O programa retómase grazas a un convenio co Instituto Ramon Llull tras a súa suspensión pola pandemia.
Fonte: Diari de la Llengua
29 de xullo de 2025
O Festival de Aviñón acollerá o coreano como lingua convidada en 2026, tras o éxito da edición actual, que acadou un 96,5 % de ocupación. O director artístico, Tiago Rodrigues, destacou o interese por promover linguas globais menos coñecidas. Na edición deste ano, a protagonista foi a lingua árabe.
Fonte: Observador
28 de xullo de 2025
Un total de 23 participantes de sete países estiveron presentes no 12.º curso intensivo de verán "Lingua Portuguesa, Literatura e Cultura Madeirenses" da Universidade de Madeira. Esta iniciativa promoveu o intercambio cultural e lingüístico, estreitando lazos entre diferentes nacionalidades en torno á tradición e identidade da Madeira.
28 de xullo de 2025
Máis de 200 persoas, entre elas 150 representantes municipais, concentráronse en Bilbao convocadas por Euskalgintzaren Kontseilua para denunciar sentenzas xudiciais que consideran contrarias ao éuscaro e ao autogoberno vasco. Alertan dunha “emerxencia lingüística” e reclaman medidas unitarias para garantir os dereitos lingüísticos e revitalizar a lingua vasca.
Boletín
Subscríbase ao boletín
