Os ministros de Educación da Unión Europea aprobaron unhas recomendacións no ámbito educativo que axudarán o alumnado de secundaria a aprender dúas linguas estranxeiras máis antes da chegada á universidade.
Fonte: El Periódico
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
07 de xuño de 2019
07 de xuño de 2019
A Feira Internacional do Libro de Asunción, Paraguai, rende homenaxe ás linguas nativas con multitude de actividades con motivo do Ano Internacional das Linguas Indíxenas.
Fonte: Ñandutí
06 de xuño de 2019
Novas entradas, como "bitcoin" ou "nano", novas acepcións como as de "falcó" e "falconer" ou modificacións de significados, como o de "bell sexe", onde agora se indica que é discriminatorio, son os cambios que recolle a nova edición do dicionario catalán. En total, engadíronse 14 novas palabras e realizáronse case 200 modificacións.
Fonte: La Vanguardia
06 de xuño de 2019
A Concellería de Normalización Lingüística do Concello de Nules abriu a convocatoria de axudas para a promoción do valenciano por parte de empresas, comercios e industrias. Segundo a convocatoria, subvencionarase, cun máximo de cincocentos euros, ata un 75 % do orzamento solicitado para a rotulación exterior e interior de locais, rotulación de vehículos, impresos publicitarios e comerciais, etiquetas, carteis etc.
Fonte: El Periodic
06 de xuño de 2019
O certame Youtubeir@s, destinado a encher YouTube de vídeos en galego, ten este mes de xuño dúas grandes citas. Unha delas será o 8 de xuño na Coruña co obxectivo de xerar un espazo para reflexionar sobre o panorama creativo nesta plataforma dende varios ámbitos.
Fonte: Código Cero
06 de xuño de 2019
O secretario xeral de Política Lingüística, Valentín García, abriu na cidade brasileira de Niterói o I Seminario Internacional de Estudos Lingüísticos. Galego e portugués: o pasado presente, que reúne expertos en lingua galega e portuguesa de ambas as beiras do Atlántico ata o vindeiro día 8 de xuño.
05 de xuño de 2019
A 6.ª edición da Olimpíada da Lingua Portuguesa recibiu máis de 170 mil inscricións de todos os estados do Brasil nun total de cinco categorías de xéneros textuais.
Fonte: O Semanário
05 de xuño de 2019
Un grupo de pais e nais de Montepellier solicita mediante unha petición pública que os seus fillos e fillas teñan a oportunidade de seguir cursando estudos de ensino medio en lingua occitana.
Fonte: Jornalet
05 de xuño de 2019
O Consello de Goberno aprobou unha subvención de 35 000 euros para a realización dun estudo sobre as prácticas lingüísticas dunha vintena de mozos e mozas para coñecer o uso do éuscaro no Gran Bilbao. Será o Instituto de Estudos Vascos da Universidade de Deusto o destinatario da axuda e o encargado de realizar esta tarefa.
05 de xuño de 2019
O Goberno Foral abre a convocatoria dun programa de inmersión lingüística denominado Estancias para vivir en éuscaro. Dirixido ao alumnado de 3º de educación primaria a 4º de educación secundaria, habilítanse ata 1050 prazas.
Fonte: Noticias de Navarra
Boletín
Subscríbase ao boletín
