O estado de Novo México (EUA) aprobou unha lei para incentivar e reforzar o ensino bilingüe nas escolas públicas onde haxa alumnado que non fale inglés como primeira lingua.
Fonte: Albuquerque Journal
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
05 de marzo de 2019
O Instituto de Estudos Occitanos (IEO) presentou “Las Paginas Occitanas”, un novo sitio web que informa sobre servizos en lingua occitana e entidades ou persoas que traballan ou viven nesta lingua.
Fonte: Jornalet
04 de marzo de 2019
A web lenguasdearagon.org, impulsada pola Dirección Xeral de Política Lingüística no marco do programa "Viene-Ven", pon a disposición das persoas interesadas recursos didácticos para aprender aragonés de xeito libre e gratuíto.
Fonte: Aragón Digital
04 de marzo de 2019
O Goberno vasco e as tres deputacións forais presentaron un novo acordo polo que aumentarán en 3,1 millóns de euros as axudas anuais destinadas a medios de comunicación en éuscaro.
Fonte: Diario Vasco
04 de marzo de 2019
Segundo datos do Departamento Federal de Estatísticas de Suíza, case un 63 % dos cidadáns e cidadás do país helvético falan alemán como primeiro idioma. Porén, o número de falantes de francés, a segunda lingua materna do país, crece ano tras ano.
Fonte: Swissinfo
04 de marzo de 2019
O Goberno do Xapón recoñeceu por medio dunha lei a minoría étnica ainu que vive principalmente no norte da illa de Hokkaido. Grazas a esta medida, poderase promover a cultura deste pobo indíxena, cuxa lingua está en risco de desaparición xa que só é falada por unhas cen persoas.
Fonte: Language Magazine
01 de marzo de 2019
O Goberno de Portugal destinará 200 mil euros á investigación en lingua portuguesa por medio dun protocolo asinado entre representantes do Goberno, a Comunidade de Países de Lingua Portuguesa (CPLP), o Instituto Internacional da Lingua Portuguesa (IILP) e o Instituto Camões.
Fonte: SAPO
01 de marzo de 2019
A tese de doutoramento realizada por Isabel Corral Pérez aborda a realidade plurilingüe hispanoamericana e achega unha panorámica do recoñecemento social das linguas indíxenas desde unha perspectiva interdisciplinar.
01 de marzo de 2019
Un grupo de persoas do pobo yekuana que vive en terras do centro e sur de Venezuela e noroeste do Brasil axudou na produción da curtametraxe Dijaawa Wotunnöi, realizada completamente na lingua yekuana. O obxectivo é axudar a revitalizar este idioma indíxena.
Fonte: Global Voices
01 de marzo de 2019
O Concello de Bilbao e a Rede de Euskaltegis da cidade poñen en marcha "Darabilbo", unha iniciativa que acolle a realización de diversas actividades e obradoiros para practicar éuscaro entre persoas adultas.
Fonte: 20 minutos
Boletín
Subscríbase ao boletín
