Un proxecto ideado pola compañía Teatro della Sete e a Axencia Rexional para a Lingua Friulana ensinaralles friulano aos máis novos por medio dun espectáculo teatral.
Fonte: Imagazine
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
23 de novembro de 2018
A etnolingüista Yeda Pessoa de Castro demostrou a influencia que as linguas africanas bantú tiveron na configuración do portugués falado actualmente no Brasil e alertou de como este dato foi invisibilizado ao longo da historia.
Fonte: Gshow
23 de novembro de 2018
Un total de 31 federacións deportivas recibiu unha distinción de recoñecemento polo labor realizado nas súas respectivas disciplinas deportivas co obxectivo de incrementar a presenza e o uso do éuscaro neste ámbito.
Fonte: 20 minutos
23 de novembro de 2018
O Concello de Oleiros convoca unha nova edición, a quinta, do seu premio literario, unha iniciativa dirixida a rapazas e rapaces de 3º, 4º, 5º e 6º de primaria e de ESO e que ten dous obxectivos principais: fomentar o uso do galego e dar coñecer o municipio.
23 de novembro de 2018
O sábado 8 de decembro é a data na que a Deputación de Pontevedra vai rematar os actos do Ano da Lingua. E farao en Tomiño, que ese día acollerá unha gala que servirá para poñer en valor a lingua e a cultura galegas.
Fonte: Deputación de Pontevedra
23 de novembro de 2018
La Voz de Galicia presenta un curso de galego en liña, estruturado en dez unidades, deseñado para adquirir as competencias lingüísticas necesarias para superar as probas do Celga 3.
Fonte: Consello da Cultura Galega
23 de novembro de 2018
A partir do próximo ano académico, os centros de ensino público de Chipre ofrecerán os certificados de competencia en inglés da Universidade de Cambridge.
Fonte: Cyprus Mail
23 de novembro de 2018
O Goberno vasco está a traballar na elaboración do Plan estratéxico do éuscaro no ámbito socioeconómico que está previsto estea finalizado a principios do ano 2019. Ao longo de 2018 estase a levar a cabo un proceso participativo para recoller achegas de diferentes organizacións ao proxecto.
23 de novembro de 2018
Un tribunal de xustiza francés autorizoulle a unha parella bretoa o uso do ñ no antropónimo Fañch, contradicindo así unha norma anterior que o impedía, xa que a letra non existe na lingua oficial francesa.
Fonte: Euronews
22 de novembro de 2018
O Rexurdimento do galego no século XIX non foi só literario. En 1868 saíu do prelo de Soto Freire, o mesmo que publicara cinco anos antes os Cantares gallegos de Rosalía de Castro, a primeira gramática galega elaborada con criterios científicos, da autoría de Juan Antonio Saco e Arce.
Fonte: O Portal da Lingua Galega
Boletín
Subscríbase ao boletín
