Un grupo de investigadores da Universidade de Roehampton no Reino Unido revelou que a lingua de signos que empregan os chimpancés podería basearse nos mesmos principios polos que se rexe a lingua dos seres humanos.
Fonte: NewScientist
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
15 de febreiro de 2019
14 de febreiro de 2019
As consellerías de Cultura e Turismo e de Política Social, a través da Secretaría Xeral de Política Lingüística e da Dirección Xeral de Xuventude, Participación e Voluntariado, presentaron, coincidindo coa celebración do Día dos namorados, unha nova edición de Lingua de namorar, o concurso de mensaxes de amor dirixido á mocidade que ten como finalidade principal dinamizar o uso do galego nas relacións persoais e na internet.
14 de febreiro de 2019
A Comisión de Cultura do Congreso dos Deputados aprobou unha iniciativa presentada por En Marea destinada a garantir a normalización da lingua galega e o cumprimento dos dereitos lingüísticos da cidadanía.
Fonte: El Correo Gallego
14 de febreiro de 2019
O proxecto Youtubeir@s, organizado por doce concellos galegos, a Deputación da Coruña e as tres universidades de Galicia, e dirixido a persoas maiores de 14 anos, chega á súa terceira edición co obxectivo de incrementar o uso do galego na canle Youtube.
Fonte: Consello da Cultura Galega
14 de febreiro de 2019
A canle PlayPresta e a produtora Cuatro Gotes convocan o primeiro concurso de youtubers en asturiano
O concurso '¡Yes youtuber!' está destinado a xente de todas as idades e está aberto a todas as propostas posibles, dende opinión a entretemento, videotitoriais, telerrealidade, ficción etc.
Fonte: Asturies.com
14 de febreiro de 2019
O Goberno de Navarra aprobou o Plan lingüístico do Departamento de Relacións Cidadás e Institucionais, que terá unha vixencia de tres anos, e nas vindeiras semanas aprobará os plans lingüísticos noutros departamentos.
Fonte: Noticias de Navarra
13 de febreiro de 2019
Oficiais do Concello de Belfast, capital de Irlanda do Norte, anunciaron a introdución de nomes en gaélico irlandés en rúas do oeste da cidade.
Fonte: Belfast Live
13 de febreiro de 2019
A entidade bancaria Lloyds Bank rexeitou un cheque escrito en córnico a pesar de ser unha lingua con recoñecemento legal no Reino Unido. Ante as críticas orixinadas por este feito, o banco defendeu a súa postura dicindo que "non pode procesar cheques escritos en linguas que non entenda o seu persoal".
Fonte: BBC
13 de febreiro de 2019
Nicanor Alonso, profesor do Departamento de Matemáticas, acaba de traducir ao galego un discurso formulado en 1900 polo matemático alemán David Hilbert, un relatorio considerado como o máis importante no ámbito científico ata a actualidade. A lista de Hilbert, que é así como se denomina o volume, recolle, ademais deste famoso discurso, unha reflexión sobre o actual estado das matemáticas e os retos aos que se enfronta.
13 de febreiro de 2019
O II Premio Luís Porteiro Garea á promoción e uso do galego na Universidade de Santiago recaeu no profesor emérito Xosé Antón Gómez Segade, catedrático de Dereito Mercantil desta institución como recoñecemento ao seu compromiso con este idioma.
Boletín
Subscríbase ao boletín
