Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
O Concello de Ames convoca a primeira edición do Premio Lingua e Empresa co obxectivo de fomentar o uso do galego na actividade empresarial amesá, un galardón ao que poderán optar as que teñan sede social ou centro de actividade no municipio.
Fonte: Concello de Ames
O Goberno vasco pretende que a ensinanza do éuscaro sexa gratuíta ata o nivel B2 en 2020. Para iso, o Departamento de Cultura incrementará nun 37,5 % as axudas no próximo ano ata acadar os 2,47 millóns de euros.
Fonte: El Mundo
A Deputación Foral de Áraba e Laneki, a asociación para o fomento e a mellora da formación profesional, lanzan Baigare, un soporte que poderá colocarse nas recepcións e mostradores dos negocios, co obxectivo de que a clientela saiba que pode ser atendida en éuscaro dende o primeiro momento.
Fonte: 20 minutos
Con motivo do recente cumio Web Summit celebrado en Lisboa, o xigante dos contidos multimedia Netflix anunciou que ten pensado crear máis producións orixinais en linguas diferentes ao inglés para visualizalas en todo o mundo.
Fonte: Cnet
Unha conferencia no Instituto Universitario de Lisboa revelou un dato preocupante: o ensino do portugués nos países lusófonos de África é precario e ten como resultado o estancamento no número de falantes desta lingua.
Fonte: Público
O secretario xeral de Política Lingüística, Valentín García, participou na presentación do Congreso Internacional Patrimonio e Fronteira organizado pola Sección de Patrimonio e Bens Culturais do Consello da Cultura Galega (CCG) coa colaboración da Universidade do Minho (Portugal) e da Comunidade dos Paises de Língua Portuguesa (CPLP).
O Plan de Incremento da Docencia en Valenciano aumentará un 3% a súa oferta cada ano, ata acadar un 50% no 2022. Este proxecto indica que sempre que nunha materia haxa máis dun grupo en lingua non estranxeira, polo menos, un debe de ser en valenciano.
Fonte: Levante-EMV
Un total de 105 alumnos de seis centros escolares participou no plan piloto para fomentar o uso do asturiano no ámbito educativo, un plan que obtivo unha moi boa valoración entre as familias, pois máis do 80 % destas recomendaría a outras a participación neste proxecto.
Fonte: La Voz de Asturias
DivulgaTerra é unha iniciativa de divulgación científica coa que se pretende amosar o traballo de novos/as investigadores/as e fomentar o uso do galego para a comunicación científica.
Fonte: Consello da Cultura Galega
A comisión de seguimento do Programa de promoción da lingua galega no Bierzo e en Sanabria, asinado polos gobernos galego e castelán leonés no ano 2001, constatou na súa reunión anual de seguimento que sobe por segundo ano consecutivo o alumnado que estuda galego no Bierzo e en Sanabria.
Fonte: O Portal da Lingua Galega
Subscríbase ao boletín
