Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
A Dirección Xeral de Política Lingüística do Departamento de Cultura é a impulsora do Voluntariado pola Lingua que dende o ano da súa creación, en 2003, formou máis de 130 000 parellas lingüísticas, e que só en 2018 superou as 10 600.
Fonte: Generalitat de Cataluña
O Boletín Oficial da Provincia de Pontevedra publicou a aprobación definitiva da Ordenanza para o impulso social da lingua galega no Concello de Ribadumia, un texto que declara o galego como idioma oficial da institución.
Fonte: CTNL
A Universidade de Santiago de Compostela convoca a oitava edición do concurso Explícoche Matemáticas 2.0, un certame que premia vídeos en galego que aborden un tema relacionado con esta disciplina e que ten como obxectivo fomentar a utilización desta lingua como medio de transmisión das matemáticas.
Fonte: USC
O relator especial das Nacións Unidas sobre as minorías mantivo unha reunión co presidente da organización Iniciativa pol Asturianu para coñecer a situación da lingua asturiana e dos dereitos lingüísticos dos seus falantes, para logo emitir un informe ao respecto.
Fonte: La Nueva España
O Instituto Camões colaborará coa institución homóloga española, o Instituto Cervantes, na publicación dun libro que mostrará o potencial e as fortalezas das linguas portuguesa e española.
Fonte: Observador
O secretario de Estado das Comunidades Portuguesas, José Luís Carneiro, informou en Manchester de que os nacionais portugueses residentes no Reino Unido que non dominen a lingua portuguesa recibirán un acompañamento especial ante o Brexit.
Fonte: Observador
A Universidade de Zaragoza, en colaboración coa Generalitat de Cataluña e o Goberno de Aragón, publica un volume que analiza a Enquisa dos usos lingüísticos na Franxa 2014. Esta obra ten como finalidade ofrecer información sobre a realidade sociolingüística dos municipios aragoneses onde se fala catalán.
Fonte: Generalitat de Cataluña
A Consellería de Educación impartirá cursos de cen horas en seis institutos de Secundaria para que o persoal interino poida certificar o nivel C1 de valenciano, necesario para impartir clases nos centros educativos da Comunidade.
Fonte: Levante-EMV
Esta Guía de linguaxe inclusiva, elaborada polo alumnado da Facultade de Ciencias da Comunicación en colaboración co Colexio de Xornalistas (CPXG), recolle recomendacións para evitar a utilización de linguaxes discriminatorias. Divídese en 14 capítulos dedicados a outros tantos ámbitos ou colectivos: Linguaxe non sexista, Infancia, Persoas maiores, Pobreza, Emprego, Catástrofes e emerxencias, Cooperación internacional, Comercio xusto, Medio ambiente, Persoas migrantes, Persoas privadas de liberdade, Capacidades diversas e Racismo.
A IV Xornada de Normalización da Deputación de Pontevedra foi o escenario da presentación por parte da Real Academia Galega dun avance do estudo sobre a situación do galego na mocidade, en concreto, entre a chamada xeración Z (persoas nadas a partir de 1990).
Subscríbase ao boletín
