Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
A Consellería de Cultura e Turismo e a Universidade do Algarve renovaron o seu acordo de colaboración, ao que se destinaron 12 000 euros, para a docencia, a investigación e a promoción da lingua, a literatura e a cultura galegas.
Fonte: Crónicas de la Emigración
O Instituto Nacional de Administración Pública convoca, por vez primeira, un curso que engloba todas as linguas cooficiais, isto é, galego, catalán, éuscaro e valenciano. Trátase dunha actividade formativa en liña dirixida ao funcionariado que se impartirá entre o 14 de xaneiro e o 13 de setembro de 2019.
Fonte: El Confidencial Autónomico
O Premio Luis Porteiro Garea á promoción e uso do galego na Universidade de Santiago de Compostela ten como obxectivo recoñecer publicamente o labor de persoas ou organizacións a prol da normalización do uso do galego nesta institución.
O Pazo de Raxoi acolleu unha reunión á que asistiron cargos municipais dunha vintena de concellos galegos con responsabilidade na política lingüística, tanto técnicos como políticos. O obxectivo desta xuntanza foi impulsar a creación da Asociación de Entidades Locais pola Lingua para desenvolver proxectos conxuntos de normalización da lingua galega.
O secretario xeral de Política Lingüística, Valentín García, participou no acto de entrega de premios do concurso Explícoche Matemáticas 2.0, organizado pola Universidade de Santiago de Compostela (USC), por medio da Facultade de Matemáticas e do Servizo de Normalización Lingüística.
Fonte: O Portal da Lingua Galega
A Consellería de Cultura e Turismo, por medio da Secretaría Xeral de Política Lingüística e da Dirección Xeral de Políticas Culturais, leva a mostra María Victoria Moreno: paisaxes e personaxes a Sanxenxo, en cuxo Pazo Emilia Pardo Bazán fará parada ata finais de mes.
Fonte: O Portal da Lingua Galega
As xornadas sobre a lingua italiana organizadas polo Ministerio de Asuntos Exteriores e Cooperación Internacional de Italia finalizaron en Roma cun dato importante: o italiano é hoxe a cuarta lingua máis estudada no mundo con máis de 2 millóns de persoas.
Fonte: LiveUniCT
O metro do Porto instalou na estación de Aliados unha pantalla de grandes dimensións que conta cun tradutor de lingua de signos en seis idiomas.
Fonte: Diário de Notícias
O convenio entre À Punt Mèdia e a Academia Valenciana da Lingua, que terá unha duración de catro anos, ten como obxectivo fomentar e difundir a lingua e a cultura valencianas.
Fonte: La Vanguardia
Ante unha reclamación realizada en galego por parte dun cliente de Endesa, a compañía rexeitou atendelo nesta lingua e solicitoulle que o fixese en castelán ou en inglés. Debido ás críticas recibidas, a empresa xustificouse alegando un menor volume de clientes en Galicia con respecto a Cataluña, por exemplo, onde si atenden en catalán.
Fonte: Praza Pública
Subscríbase ao boletín
