O artigo «Surname Distribution in Galicia: Population Structure, Dialects, and History» analizou a frecuencia e a distribución de 6150 apelidos en Galicia que revelou unha gran homoxeneidade na súa distribución. Este fenómeno, vinculado á escasa inmigración e á tradición rural, demostra a estabilidade demográfica do territorio. A investigación identificou cinco rexións onomásticas que coinciden coa organización territorial histórica, como as dioceses católicas.

O Parlamento de Escocia aprobou por unanimidade unha lei que fai oficiais o gaélico e a lingua esocesa ou scots, permitindo que as familias soliciten a escolarización nestas linguas. A norma busca frear o estado crítico do gaélico e prevé crear áreas de significación lingüística para protexer e expandir o seu uso.

Fonte: Diari de la Llengua

O Goberno vasco aprobou unha partida de 2 975 500 euros para subvencionar o proceso de aprendizaxe do éuscaro nos euskaltegis da Comunidade Autónoma Vasca. As axudas estarán dirixidas ao alumnado que obteña ou acredite o nivel de competencia comunicativa en calquera dos niveis establecidos (A1, A2, B1, B2, C1, C2).

Efa Gruffudd Jones, comisaria da Lingua Galesa, propón nun manifesto cinco medidas clave para reforzar o uso do galés de cara ás eleccións de 2026. Entre elas destácanse a ampliación dos dereitos lingüísticos, a mellora da atención sanitaria en galés e a formación obrigatoria do profesorado nesta lingua.

Fonte: The Pembrokeshire Herald