Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
A Xunta de Galicia vai poñer en marcha o Premio Otero Pedrayo de ensaio co que pretende fomentar o coñecemento xeográfico e paisaxístico de Galicia así como impulsar a produción ensaística en lingua galega. Ademais, este galardón servirá para homenaxear a figura do intelectual ourensán e divulgar a súa traxectoria.
Fonte: Galicia Confidencial
O grupo Konecta, adxudicatario do servizo de cita previa telefónica da Axencia Tributaria, está a incumprir o seu contrato ao non atender chamadas en galego, catalán e valenciano, malia que o prego de condicións obriga a esta empresa a facelo.
Fonte: El Diario.es
O Concello de Onda percibiu 15 164,84 euros da Consellería de Educación, Investigación, Cultura e Deporte para a promoción do valenciano na localidade. A subvención aumentou un 20 % respecto ano anterior.
Fonte: El Periodic.com
Dende a Asociación de Profesores de Portugués dos EUA prevén un incremento nas matrículas para aprender esta lingua, xa que existe un interese específico e instrumental por esta baseado na economía dos países lusófonos.
Fonte: Revista Port.com
O Tribunal Superior de Xustiza di que o éuscaro é a lingua propia de Navarra e que a administración pode asignar a determinados postos do seu cadro de persoal o perfil de éuscaro como requisito cando está xustificado.
Fonte: Diario de Navarra
A Guía CatNord é un sitio web onde localizar establecementos para ser atendido en catalán. O obxectivo é difundir o seu uso social no ámbito comercial e ampliar os espazos de socialización nesta lingua.
Fonte: El Nacional
Segundo un estudo, máis da metade da poboación hispana experimentou barreiras de comunicación ao intentar acceder ao sistema de saúde estadounidense. Para solucionar este problema, a maioría acode á axuda dalgún familiar ou a un provedor médico que fale español.
Fonte: Univisión
A única lingua oficial de Andorra é o catalán e así se establece na súa Constitución. Ademais, a súa defensa constitúe unha das políticas prioritarias deste pequeno país, onde o catalán é o idioma predominante no ensino e nas institucións.
Fonte: France Télévisions
En Candamo organizarán un curso de asturiano básico e en Grado haberá un curso de nivel básico e outro avanzado. Ofertaranse un máximo de 25 prazas para cada curso, que se desenvolverán de outubro a novembro.
Fonte: La Nueva España
Con esta moción aprobada no Concello de Eivisa solicítase que as televisións e as radios doutras comunidades autónomas de fala catalá poidan verse e escoitarse no arquipélago balear e viceversa, de cara a desenvolver un espazo comunitario nesta lingua.
Fonte: Noudiari.es
Subscríbase ao boletín
