Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
A Comisión Nacional para o Desenvolvemento dos Pobos Indíxenas puxo en marcha a plataforma “Atlas dos Pobos Indíxenas de México”, que ten como obxectivo dar a coñecer a riqueza cultural de 68 grupos etnolingüísticos mexicanos.
Fonte: Chiapas Paralelo
A novela de Xosé Luís Méndez Ferrín Arnoia, Arnoia transformarase en videoxogo co obxectivo de amosar a riqueza literaria e turística de Celanova e da provincia de Ourense a través dun formato innovador e interactivo. Ademais, o proxecto conterá versións en galego, español e inglés.
Fonte: Código Cero
Un verán máis, o programa de dinamización lingüística O galego campa! da Secretaría Xeral de Política Lingüística e da Dirección Xeral de Xuventude, Participación e Voluntariado chega aos campamentos de verán da Xunta de Galicia cos obxectivos de favorecer neles a actividade en galego e mais de facilitarlle ao monitorado formación e recursos para o desenvolvemento de dinámicas que animen os rapaces e rapazas a se expresar nesta lingua.
O Parlamento israelí convocou unha sesión extraordinaria sobre a controvertida lei que define Israel como "o Estado-nación do pobo xudeu”, unha lei que establece o hebreo como único idioma oficial do país, mentres o árabe só tería un estatuto especial aínda sen definir.
Fonte: EcoDiario
O proxecto Trasno, dedicado a traducir software libre ao galego, anunciou a nova versión de Hungspell para esta lingua, a número 18.07, denominada Francisco Mirás. Trátase dun corrector ortográfico que permite corrixir os textos en diversas aplicacións, ademais de ser a única ferramenta de corrección ortográfica de software libre con soporte para o galego.
Fonte: Mancomún
A área de Cultura da Deputación da Coruña destina máis de 123 000 euros á distribución de contidos audiovisuais en lingua galega e que achegarán ao público trece filmes entre os que figuran Dhogs, A batalla descoñecida, Memorias dun home en pixama, A Estación violenta, Sicixia ou O soño de papá.
Fonte: Deputación da Coruña
A Dirección Xeral de Política Lingüística publica unha orde para obter os certificados dos niveis A2, B1 e B2 de comunicación e competencia do aragonés, de maneira que, por primeira vez, se regulará o coñecemento deste idioma segundo o marco común europeo de referencia para as linguas (MCERL).
Fonte: Aragón Hoy
O Departamento de Cultura da Generalitat de Cataluña e o Consorcio para a Normalización Lingüística, a través do programa Ofercat, analizarán os usos lingüísticos de 4600 establecementos comerciais en varias cidades catalás.
Fonte: La Vanguardia
O Goberno serbio creará unha institución para a protección e a defensa da lingua serbia, así como para velar polo emprego, por parte das entidades públicas, do alfabeto cirílico en lugar do latino.
Fonte: Prensa Latina
Nos cursos presenciais de catalán do Consorcio para a Normalización Lingüística crecen un 4,5% as inscricións. Un 65,5% delas corresponde a cursos de nivel inicial básico, dirixidos a persoas con poucos o ningún coñecemento da lingua catalá.
Fonte: La Vanguardia
Subscríbase ao boletín
