O presidente de Ucraína, Petro Poroshenko, aprobou un decreto que garantirá o desenvolvemento progresivo da lingua ucraína en todos os ámbitos da vida pública.
Fonte: Language Magazine
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
26 de outubro de 2018
26 de outubro de 2018
O Goberno de Madeira introducirá o servizo de interpretación simultánea en lingua de signos portuguesa nos debates e sesións plenarias da Asemblea Lexislativa Rexional.
Fonte: Dnoticias
25 de outubro de 2018
O Premio Otero Pedrayo recoñece, ex aequo, o labor a prol da cultura e a galeguidade da pedagoga Antía Cal e da escritora María Xosé Queizán. No xurado participaron o secretario xeral de Política Lingüística, Valentín García; e o director xeral de Políticas Culturais, Anxo Lorenzo.
Fonte: O Portal da Lingua Galega
25 de outubro de 2018
A Consellería de Cultura e Turismo, a través da Secretaría Xeral de Política Lingüística, leva esta fin de semana a actividade de dinamización lingüística Asubíos no marco do programa FalaRedes ata o concello ourensán de Verín.
Fonte: O Portal da Lingua Galega
25 de outubro de 2018
Segundo un estudo realizado polo Consello da Mocidade e a Academia da Lingua Asturiana, un 86,1% da xente nova apoiaría a oficialidade do asturiano, o que mostra unha mellora das actitudes cara a este idioma con respecto a investigacións anteriores.
Fonte: El Comercio
25 de outubro de 2018
O programa de dinamización lingüística Vigo Arrólate, posto en marcha polo Concello de Vigo, comeza o domingo 28 de outubro cun espectáculo destinado a familias con fillas e fillos de 0 a 3 anos.
Fonte: Concello de Vigo
25 de outubro de 2018
TV3 e Catalunya Radio van converterse nos primeiros medios en ofrecer contidos en catalán no servizo de voz Alexa de Amazon, que estará dispoñible, entre outros, no último boletín de Catalunya Información e os titulares do Telexornal noite.
Fonte: El Nacional
25 de outubro de 2018
O secretario xeral de Política Lingüística, Valentín García, participou na presentación do libro de Carlos Mella A conferencia no curso dun acto celebrado no estradense CEIP do Foxo con motivo do Día Internacional das Bibliotecas.
Fonte: O Portal da Lingua Galega
25 de outubro de 2018
A Xunta de Galicia publicou a resolución das axudas destinadas a empresas que realizan publicacións periódicas escritas integramente en galego.
Fonte: Consello da Cultura Galega
25 de outubro de 2018
A proposta de nova ordenanza do éuscaro do Concello de Pamplona ten como obxectivos garantir os dereitos lingüísticos da cidadanía e adaptar a normativa á realidade social e ao contexto xurídico vixente.
Fonte: Noticias de Navarra
Boletín
Subscríbase ao boletín
