A Comisión de Neoloxismos da Real Academia Española (RAE) está avaliando a incorporación de novos termos no seu dicionario. Un dos novos vocábulos admitidos é a palabra “finde”.
Fonte: El País
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
18 de xullo de 2018
O Ministerio de Xustiza do Reino Unido informou de que introducirá melloras inmediatas na atención en lingua galesa. A partir de agora, as ofertas de emprego serán bilingües e prestaranse máis servizos por medio do galés.
Fonte: Gov.uk
17 de xullo de 2018
Segundo datos do último censo de 2011, o hindi medra en número de falantes en toda a India e é xa a lingua materna do 43 % dos cidadáns indios. As linguas do sur do país e o inglés tamén rexistran un incremento en número de falantes.
Fonte: The News Minute
17 de xullo de 2018
Xosé Antón González Riaño, presidente da Academia da Lingua Asturiana (ALLA) declarou que tanto o galego-asturiano ou “fala” falado na comarca de Navia-Eo como o bable son dúas linguas equiparables de Asturias.
Fonte: La Nueva España
17 de xullo de 2018
O secretario xeral de Política Lingüística, Valentín García, e o presidente do Casino de Santiago, Ubaldo Rueda, anunciaron en rolda de prensa celebrada na sede do Casino o nome da obra gañadora da XIII edición do Premio Novela Europea promovido por esta institución compostelá co patrocinio de El Corte Inglés e o apoio da Secretaría Xeral de Política Lingüística. Trátase de <em>Expo 58</em>do escritor Jonathan Coe, quen se impuxo coa súa novela outras catro finalistas.
17 de xullo de 2018
111 concellos galegos benefícianse das axudas para a promoción do uso do galego desde o ámbito local convocadas no mes de marzo pola Consellería de Cultura e Educación, a través da Secretaría Xeral de Política Lingüística. O departamento publicou no Diario Oficial de Galicia a Resolución do 5 de xullo de 2018 pola que se conceden subvencións ás entidades locais de Galicia para a promoción do uso da lingua galega, ao abeiro da convocatoria regulada na Orde do 16 de marzo de 2018.
16 de xullo de 2018
A directora xeral de Políticas Culturais da Xunta de Castela e León, Mar Sancho, anunciou a alianza entre a lingua española e a industria cultural co fin de promocionalas no estranxeiro e dinamizar o sector da cultura.
Fonte: La Vanguardia
16 de xullo de 2018
O secretario xeral de Política Lingüística presentou nun encontro organizado pola Secretaría Xeral para o Deporte o documento marco do plan de dinamización da lingua galega na mocidade que está a elaborar a Xunta, no que se prevén accións de promoción social do uso do galego impulsadas desde o ámbito do deporte en colaboración con federacións, clubs, escolas, empresas e deportistas.
16 de xullo de 2018
O Consello da Rexión de Sardeña aprobou unha lei orgánica que garantirá o ensino e promoción do sardo e doutras linguas vernáculas faladas na illa.
Fonte: Repubblica
16 de xullo de 2018
Un total de 2 618 auxiliares de conversa nativos de inglés, francés e alemán incorporarase aos centros públicos de ensino da Comunidade de Madrid co fin de dar apoio ao ensino bilingüe.
Fonte: Europapress
Boletín
Subscríbase ao boletín
