Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
O secretario xeral de Política Lingüística, Valentín García, e o director do Festival de Cans, Alfonso Pato, acompañaron o alumnado do CEIP Mestre Rodríguez Xixirei de Santiago de Compostela na súa visita ao XV Festival de Cans.
Fonte: O Portal da Lingua Galega
A pesar das reivindicacións de moitas persoas e da suposta liberdade que existe hoxe en Libia despois da caída de Muanmmar Gaddafi, o tamazight ou bérber aínda non foi recoñecido oficialmente na constitución do país africano.
Fonte: Aljazeera
De acordo con datos da asociación de escolas e centros de ensino de inglés en Irlanda (Marketing English in Ireland), no ano 2017, houbo un incremento do 8 % no número de estudantes internacionais que deciden estudar esta lingua no país celta.
Fonte: Irish Tech News
Arantxa Portabales, Francisco X. Fernández Naval e Marcos Calveiro son os finalistas galegos da XXIV edición do Premio San Clemente Rosalía-Abanca, polas obras Deixe a súa mensaxe despois do sinal, Alba e o mar e O cemiterio dos ingleses, respectivamente, as tres editadas por Galaxia.
Fonte: O Portal da Lingua Galega
No que respecta aos perfís lingüísticos do persoal que traballa na Deputación Foral de Guipúscoa, as porcentaxes son as seguintes: o 82 % ten acreditado os perfís lingüísticos de éuscaro 2, 3 e 4; un 8 % só conta co nivel 1 e o 10 % restante, ningún.
Fonte: Diario Vasco
O debuxante Kiko Dasilva e A Mesa pola Normalización Lingüística presentaron A viñeta de Schrödinger, unha revista da banda deseñada integramente en galego que se porá á venda o vindeiro mes de xullo cunha tirada de 1500 exemplares.
Fonte: Sermos Galiza
O Boletín Oficial de Navarra publicou a convocatoria de axudas, por un importe de 40 000 euros, para a promoción, difusión e normalización do éuscaro en proxectos relacionados coas TIC (adaptación de sitios web, aplicacións e programas informáticos).
Fonte: Diario Vasco
O presidente de Francia, Emmanuel Macron, declarou que apoiará a candidatura da ministra de Asuntos Exteriores de Ruanda, Louise Mushikiwabo, para a presidencia da Organización Internacional da Francofonía.
Fonte: France 24
A Xunta de Galicia convoca dúas prazas nos lectorados de lingua, literatura e cultura galegas das universidades de Oxford e o País Vasco e mais dúas bolsas de formación nos lectorados de lingua, literatura e cultura galegas das universidades de París e São Paulo.
Fonte: Consello da Cultura Galega
O secretario xeral de Política Lingüística, Valentín García, participou en Valencia nos encontros da Asemblea Xeral anual da Rede Europea para a Promoción da Diversidade Lingüística (NPLD), da que a Xunta de Galicia, representada na súa Vicepresidencia, é membro de pleno dereito desde o ano 2008.
Fonte: O Portal da Lingua Galega
Subscríbase ao boletín
