A Deputación da Coruña convoca unha nova edición do concurso de música infantil e xuvenil "Quero Cantar", cuxa finalidade é fomentar o uso da lingua galega, así como a creatividade poética e musical.
Fonte: CTNL
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
30 de abril de 2018
27 de abril de 2018
Ucraína e Bulgaria asinaron unha declaración que permitirá que as persoas da minoría búlgara residentes en Ucraína poidan aprender tamén a súa lingua materna no ensino público.
Fonte: UNIAN
27 de abril de 2018
A tribo Bora que vive en zonas selváticas de Colombia e o Perú emprega unha lingua sofisticada baseada en sons de tambores para comunicarse con outros membros da comunidade situados a un máximo de 20 km de distancia.
Fonte: New Scientist
27 de abril de 2018
A Facultade de Letras da Universidade de Lisboa ofrecerá, por primeira vez no ensino superior de Portugal, un curso de lingua armenia que axudará a estreitar relacións entre o país luso e a nación do Cáucaso.
Fonte: Diário de Notícias
27 de abril de 2018
Segundo os últimos estudos realizados, pouco máis da metade da poboación de Mozambique pode expresarse en portugués e é frecuente que este idioma se empregue mesturado con outras linguas vernáculas.
Fonte: Folha de São Paulo
27 de abril de 2018
O gravado, de principios do século XV, encóntrase en dúas tellas encontradas en Castro Caldelas que se depositarán no futuro museo antropolóxico da Ribeira Sacra, cuxa apertura está prevista para xullo. A importancia desta inscrición reside en que se trata do documento epigráfico en barro máis antigo en lingua galega.
Fonte: La Región
27 de abril de 2018
Cadernos de lingua, publicación da Real Academia Galega nacida en 1990, chega ao número 36 coa estrea dunha plataforma web que axudará a impulsar a difusión das investigacións sobre a lingua galega a nivel internacional.
27 de abril de 2018
Centros de ensino secundario de 43 concellos coruñeses acollerán as actividades de fomento do galego organizadas pola Deputación da Coruña no marco da campaña "O galego: a miña lingua" que ten como obxectivos potenciar o uso desta lingua entre a xente nova e fortalecer a súa identidade lingüística.
Fonte: Deputación da Coruña
27 de abril de 2018
O Goberno de Aragón impulsará o desenvolvemento dun dicionario e un tradutor en liña da lingua aragonesa. Esta acción enmárcase dentro do programa POCTEFA Linguatec de dixitalización e defensa das linguas minoritarias europeas.
Fonte: Heraldo
27 de abril de 2018
Unha nova iniciativa, presentada a través da plataforma change.org, propón modificar a denominación da súa lingua propia no Estatuto de Autonomía, adoptando a de lingua baleárica en lugar de lingua catalá.
Fonte: La Vanguardia
Boletín
Subscríbase ao boletín
