O alumnado do IES da Pobra do Caramiñal e do Colexio Fogar de Santa Margarida da Coruña, integrantes do proxecto "21 días co galego", acudiu á RAG para participar nos Encontros coa xente nova, unha iniciativa para achegarse, principalmente, á mocidade co obxectivo de reflexionar e debater sobre o presente e o futuro do galego.
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
09 de maio de 2018
08 de maio de 2018
Unha escola de Aberdeen, en Escocia, creará un centro de ensino de chinés que promoverá a aprendizaxe desta lingua entre os escolares de primaria e que contribuirá a acadar os obxectivos establecidos polo Goberno de Escocia para que todo o alumnado do ensino público poida estudar dúas linguas diferentes ao seu idioma materno antes de 2020.
Fonte: Evening Express
08 de maio de 2018
O secretario xeral das Nacións Unidas, António Guterres, prometeu reforzar o portugués como lingua global e loitar contra a uniformidade cultural e lingüística do mundo actual.
Fonte: RTP
08 de maio de 2018
A asociación Karrikiri leva fomentando durante máis de 20 anos o uso da lingua vasca en Pamplona con diferentes iniciativas como bolsas de emprego, busca de pisos entre xente que fale éuscaro, listaxe de comercios euscaldúns e un servizo de tradución.
Fonte: Noticias de Navarra
08 de maio de 2018
A enciclopedia de música catalá Viasona estreou unha nova páxina web coa que queren dar unha visión global do sector da música en catalán. O novo espazo incorpora unha sección de actualidade e mellora o acceso á enciclopedia xa existente.
Fonte: El Nacional
08 de maio de 2018
O Concello de Zas convoca a terceira edición dos seus galardóns á creatividade audiovisual en galego
Os Premios Fouciño, convocados polo Concello de Zas, teñen como obxectivo recoñecer o talento creativo no ámbito audiovisual e fomentar o uso do galego na rede. Para participar, cómpre elaborar unha curtametraxe, cunha duración máxima de 5 minutos, de temática libre e gravada en galego ou con subtítulos en nesta lingua.
Fonte: Consello da Cultura Galega
08 de maio de 2018
A alcaldesa de París, Anne Hidalgo, impúxose aos outros dous finalistas do I Premio Lorca, Guerra da Cal, Blanco Amor -os alcaldes de Los Ángeles, Eric Garcetti, e de Palermo, Leoluca Orlando-, convocado polo Casino de Santiago en colaboración coa Secretaría Xeral de Política Lingüística.
Fonte: O Portal da Lingua Galega
08 de maio de 2018
O secretario xeral de Política Lingüística, Valentín García, e mais o delegado territorial da Xunta Ovidio Rodeiro participaron no IES Maruxa Mallo de Ordes na solta do globo de helio de MarumaSat III.
Fonte: O Portal da Lingua Galega
08 de maio de 2018
A V Carreira Camiño das Letras volverá unir o famoso Pico Sacro coa Cidade da Cultura de Galicia o vindeiro 17 de maio, Día das Letras Galegas, dedicado a María Victoria Moreno.
Fonte: O Portal da Lingua Galega
08 de maio de 2018
O secretario xeral de Política Lingüística, Valentín García, e o delegado territorial José Manuel Balseiro participaron na presentación do libro Nosa Señora das Virtudes.
Fonte: O Portal da Lingua Galega
Boletín
Subscríbase ao boletín
