Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
O V Premio Martí Gasull i Roig, outorgado pola Plataforma pola Lingua, foi entregado a Cataluyna Ràdio polo seu papel como defensores da lingua catalá. Esta concesión decidiuse por votación popular, na que se contou con 7207 participantes.
Fonte: La Vanguardia
En España existen ata 6 linguas con máis de 250 000 falantes que se atopan en risco de desparecer, segundo datos da Organización das Nacións Unidas para a Educación, a Ciencia e a Cultura (UNESCO). Estas linguas son o bable, o aranés, o aragonés, a fala estremeña, o tamazight e o caló.
Fonte: EcoDiario
Un ano máis son as voces femininas as que se fan cos premios do certame de dinamización lingüística Lingua de namorar, que convocan conxuntamente as consellerías de Cultura, Educación e Ordenación Universitaria e de Política Social, por medio da Secretaría Xeral de Política Lingüística e da Dirección Xeral de Xuventude, Participación e Voluntariado.
Fonte: O Portal da Lingua Galega
Co gallo da celebración o 7 de febreiro do Día dos Medios en Galego, os grupos políticos do Parlamento de Galicia impulsaron unha declaración institucional de apoio aos medios que empregan esta lingua.
Fonte: Galicia Confidencial
O ministro de Educación de Luxemburgo, Claude Meisch, anunciou as novidades da nova lei de educación do Gran Ducado que incluirá, entre outras cousas, a opción de que o alumnado escolla entre dous niveis de lingua francesa e alemá.
Fonte: Delano
Un grupo de lingüistas da Universidade de Lund, en Suecia, atopou unha lingua indocumentada en Malaisia, coñecida co nome de jedek, que é falada por tan só 280 persoas.
Fonte: SCI News
A colección de manuscritos sobre a lingua vasca e os seus dialectos, recompilados por Luís Luciano Bonaparte a mediados do século XIX, fixéronse públicos no Arquivo Real e Xeral de Navarra, de xeito que se poden consultar no buscador web "Arquivo Aberto" no portal institucional do Goberno de Navarra. Do total de 134 manuscritos, 118 son en éuscaro e o resto noutras linguas como, entre outras, castelán, francés, latín ou provenzal.
A dirección xeral de Política Lingüística da Consellería de Educación da Comunidade Valenciana convoca, a finais do mes de febreiro de 2018, un curso de formación destinado a lingüistas externos ao grupo de comunicación de À Punt. O obxectivo é formar os profesionais do sector da comunicación para mellorar as súas habilidades lingüísticas en revisión e validación.
Fonte: La Vanguardia
Este concurso de booktrailers e booktubers busca impulsar a lectura en galego e a creación audiovisual principalmente entre a mocidade.
Fonte: Praza Pública
O secretario xeral de Política Lingüística, Valentín García, e mais o delegado territorial da Xunta en Vigo, Ignacio López-Chaves, acompañaron unha delegación do Consello da Cultura Galega na súa visita á exposición O Pergamiño Vindel.
Fonte: O Portal da Lingua Galega
Subscríbase ao boletín
