Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
A Xunta pola Defensa de la Llingua Asturiana (XDLA) denuncia o tratamento parcial que se lle dá nos informativos á actualidade sobre temas lingüísticos, aos que acusa de estar ao servizo dos contrarios á normalización do asturiano.
Fonte: Asturies.com
A Mesa pola Normalización Lingüística e a AGAL lanzan unha campaña conxunta para recuperar os nomes tradicionais dos días da semana en galego, usados maioritariamente ata ben entrado o século XX: domingo, segunda feira, terza feira, cuarta feira, quinta feira, sexta feira e sábado.
Fonte: Culturagalega.org
A BBC acaba de lanzar Radio Cymru 2, unha nova canle de radio en lingua galesa que ofrecerá espazos de música e entretemento.
Fonte: BBC News
A Comisión de Venecia do Consello de Europa emitiu un ditame que rexeita a declaración do Goberno de Hungría de poder empregar exclusivamente o húngaro no ensino público de Ucraína en zonas de minoría húngara.
Fonte: Interfax
A BBC acaba de lanzar un novo sitio de noticias radiofónicas en tres novas linguas africanas (amhárico, oromo e tigriña) e un servizo para a aprendizaxe do inglés en Etiopía e Eritrea.
Fonte: Modern Ghana
Estes obradoiros de hip hop en asturiano, organizados pola Estaya de la Llingua, están dirixidos a nenas e nenos de entre 6 e 10 anos e son de balde.
Fonte: La Nueva España
Galtzaundi Euskara Taldea, en colaboración coa asociación de comerciantes e hostaleiros Tolosa&Co e o Concello de Tolosa, realizou este diagnóstico do éuscaro que revela que o elevado nivel de euscaldunización non se reflicte na paisaxe lingüística.
Fonte: Noticias de Gipuzkoa
Dende o Movemento Veciñal Estradense (Móvete), que presentou hai meses unha moción para o impulso desta normativa, cren que a aprobación desta ordenanza contribuirá ao fomento do uso do galego.
Fonte: Faro de Vigo
Na primeira década do século XXI, os nomes propiamente galegos supoñen case o 13 %, aínda que con matices, xa que no caso dos masculinos, por exemplo, están máis ligados á continuidade familiar.
Fonte: La Voz de Galicia
A Rede de Lectorados e Centros de Estudos Galegos da Xunta, representada nos responsables dos seus departamentos universitarios de ensino da lingua, da literatura e da cultura galegas fóra de Galicia, visitou en Vigo a mostra "Vindel, un tesouro en sete cantigas", no marco dunha viaxe institucional que incluíu tamén un percorrido guiado pola redondelá illa de San Simón.
Subscríbase ao boletín
