Un estudo revela que a presenza do gaélico irlandés nas estacións de radio da República de Irlanda é insignificante, a pesar de que existe a obriga legal de incluír espazos nesta lingua.
Fonte: Irish Examiner
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
23 de xaneiro de 2018
23 de xaneiro de 2018
Encrucillada, a primeira revista de pensamento cristián da Transición escrita en galego, celebrou os seus 40 anos nun acto no que se presentou a monografía editada co gallo deste aniversario.
Fonte: Real Academia Galega
23 de xaneiro de 2018
A Comisión de Toponimia de Cataluña elaborará, durante o ano 2018, o Nomenclátor mundial, co que se pretende desenvolver un corpus en catalán de topónimos situados fóra da área lingüística catalá. Esta iniciativa terá un grande impacto en sectores como os medios de comunicación ou as obras divulgativas que inclúen cartografía mundial.
Fonte: Generalitat de Catalunya
23 de xaneiro de 2018
A Academia da Lingua Asturiana abriu o prazo para que o profesorado do Principado poida presentarse ás probas de nivel básico de asturiano, que terán lugar o 27 de xaneiro de 2018 en Oviedo.
Fonte: La Nueva España
22 de xaneiro de 2018
Un informe elaborado por unha comisión do estado norteamericano de Alasca (EUA) revelou que, se non se toman medidas urxentes, as súas linguas vernáculas poden desaparecer antes de finais do século.
Fonte: Xinhua
22 de xaneiro de 2018
A Plataforma pola Lingua de Cataluña solicitoulle a Antonio Tajani, presidente do Parlamento Europeo, que desenvolva medidas favorables aos dereitos lingüísticos e impulse a presenza da lingua catalá nas institucións da Unión Europea.
Fonte: El Nacional.cat
22 de xaneiro de 2018
A Dirección de Política Lingüística de Mallorca achega cada ano 9000 euros para impulsar a aprendizaxe da lingua catalá no Instituto de Estudos Baleáricos, un organismo dependente do Goberno das Illas Baleares que organiza cursos de catalán en Mallorca. Para complementar esta achega económica, tamén compartirá material didáctico e bibliográfico e difundirá as actividades organizadas polas dúas institucións.
22 de xaneiro de 2018
A catedrática de Filoloxía Inglesa da Universidade da Coruña María Jesús Lorenzo Modia sostén que as representacións, as traducións e as retraducións das obras de William Shakespeare ao galego foron fundamentais para a dignificación desta lingua e para a recuperación do seu prestixio.
Fonte: Galicia Confidencial
22 de xaneiro de 2018
O 10.º Concurso Coca-Cola Novos Talentos de Relato Curto premiará un ano máis as destrezas lingüísticas de expresión e comprensión escrita do galego do alumnado de 2.º curso da ESO. Coca-Cola Iberian Partners e a Secretaría Xeral de Política Lingüística poñen en marcha unha nova convocatoria desta iniciativa de impulso á creatividade en lingua galega da mocidade no marco do seu acordo de colaboración.
19 de xaneiro de 2018
O Diario Oficial da República de Francia, a través da Comisión de Enriquecemento da Lingua Francesa, publicou un anuncio onde propón alternativas a expresións ou palabras anglófonas. O último exemplo ten que ver coa palabra "smartphone" que se debería dicir agora "mobile multifonction".
Fonte: 20 minutes
Boletín
Subscríbase ao boletín
