A Real Academia da Lingua Vasca quere aproveitar o gran seguimento do Tour de Francia e da Vuelta a España, dúas competicións ciclistas que contarán con etapas no País Vasco, para fomentar o uso do éuscaro. Deste xeito, a Academia envioulles unha carta ao deputado xeral de Biscaia, ao deputado de Promoción Económica e á deputada foral de Éuscaro e Cultura para solicitar unha maior presenza da lingua vasca nestes encontros deportivos.
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
25 de xaneiro de 2018
25 de xaneiro de 2018
O proxecto Enreguéifate, que ten como obxectivo promover o uso do galego entre a xente nova a través da regueifa, suma nesta segunda edición novas actividades, ademais de incorporar novos municipios participantes: Ames, Carballo e Teo.
25 de xaneiro de 2018
O estudo realizado pola Mesa pola Normalización Lingüística para a Deputación de Pontevedra revela que o 80 % dos 61 concellos da provincia non dispón nin de servizo de normalización lingüística nin de persoal técnico de normalización.
Fonte: Praza Pública
24 de xaneiro de 2018
O curso "Achégate ao galego, nivel básico", que se impartirá ao longo dos meses de febreiro, marzo e abril de 2018, está dirixido a todas as persoas, de dentro e fóra de Galicia, que carecen de coñecementos do idioma.
Fonte: Consello da Cultura Galega
24 de xaneiro de 2018
Un investigador da Universidade de Vigo revela no seu estudo que o persoal directivo das compañías galegas considera o galego unha lingua secundaria na súa actividade diaria, mentres que prioriza outras como o inglés e o castelán.
Fonte: Galicia Confidencial
24 de xaneiro de 2018
O Tribunal Superior de Xustiza de Navarra rexeitou o recurso presentado polo sindicato Afapna contra o decreto polo que se regula o uso do éuscaro nas administracións públicas. O Tribunal entende que o sindicato non acreditou os supostos prexuízos irreparables que ocasionaría a execución do decreto.
Fonte: Noticias de Navarra
24 de xaneiro de 2018
De acordo co Libro branco do desenvolvemento español de videoxogos 2017, a lingua galega, a vasca e, especialmente, a catalá incrementaron a súa presenza nos videoxogos publicados no ano 2016. No caso do galego, un 5% incorpora esta lingua, mentres que para o éuscaro a porcentaxe se reduce ao 3%, en ambos os casos, un punto porcentual máis que o ano anterior. Destaca o crecemento do 10% do catalán, pois un de cada catro inclúeo entre as súas opcións lingüísticas.
24 de xaneiro de 2018
A Área de Normalización Lingüística organiza cinco cursos en liña (redacción e deseño de traballos académicos e de investigación, redacción de documentos administrativos, actualización, corrección e escrita con novas tecnoloxías e técnicas de redacción) e un presencial (o obradoiro de extensión universitaria destinado ao alumnado estranxeiro).
Fonte: Universidade de Vigo
24 de xaneiro de 2018
A Consellería de Cultura e Educación fixo pública a resolución do certame de curtas sobre a lírica medieval galega Vindevídeos, convocado polas súas secretarías xerais de Política Lingüística e de Cultura co gallo da estadía do Pergamiño Vindel no Museo do Mar de Galicia (Vigo).
Fonte: O Portal da Lingua Galega
24 de xaneiro de 2018
De acordo cun estudo realizado polo British Council, un de cada cinco británicos ten pensado estudar unha lingua estranxeira ao longo deste ano. O español figura como lingua de preferencia, seguida do francés, italiano e alemán.
Fonte: Language Magazine
Boletín
Subscríbase ao boletín
