O Goberno de Gales rexeitou unha proposta que lle permitiría que o actual valedor do pobo de Gales, Nick Bennett, puidese tratar queixas relacionadas coa lingua galesa.
Fonte: BBC
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
19 de xaneiro de 2018
19 de xaneiro de 2018
A campaña "O galego: a miña lingua propia" porase en marcha en 43 concellos da provincia da Coruña co obxectivo de impulsar o uso da lingua galega entre a xente nova.
Fonte: Deputación da Coruña
19 de xaneiro de 2018
O presidente da Academia da Lingua Asturiana denuncia a existencia dunha campaña en contra da oficialidade do asturiano e argumenta que o modelo de oficialidade proposto por esta institución non suporía máis de 20 millóns de euros anuais.
Fonte: La Vanguardia
19 de xaneiro de 2018
A campaña "Elixe educación en éuscaro, elixe modelo D", impulsada por Euskarabidea e outras 24 entidades navarras, ten como obxectivo fomentar a escolarización en éuscaro para o curso 2018-2019.
Fonte: El Diario
19 de xaneiro de 2018
Un estudo da Universidade McGill defende que as persoas con autismo que son bilingües teñen moitas máis facilidades para adquirir coñecemento que as monolingües.
Fonte: Independent
19 de xaneiro de 2018
O presidente de Macedonia, Gjorge Ivanov, vetou a lei que converte a lingua albanesa en segundo idioma oficial xa que podería ser un atranco para a unidade do país balcánico.
Fonte: Deutsche Welle
17 de xaneiro de 2018
Unha profesora da Universidade de Leiden considera que o inglés xa non pode considerarse unha lingua estranxeira nos Países Baixos, tal como o demostra non só o alto dominio desta lingua por parte da poboación senón a forte presenza de cursos impartidos en inglés no sistema educativo.
Fonte: Dutch News
17 de xaneiro de 2018
Un programa financiado polo Goberno do Brasil permitirá que un total de 479 docentes de inglés do ensino público poidan recibir formación desta lingua nos EUA.
Fonte: Agência Brasil
17 de xaneiro de 2018
A Consellería de Cultura, Educación e Ordenación Universitaria vén de chegar a un acordo co Centro Galicia de Bos Aires para exhibir por vez primeira en Galicia a obra de Alfonso Daniel Rodríguez Castelao ‘A derradeira leición do mestre’, cadro que nunca ten saído de Arxentina e que se considera clave na traxectoria do intelectual e artista de Rianxo.
Fonte: O Portal da Lingua Galega
17 de xaneiro de 2018
O grao de Lingua e Literatura Catalás da Universidade Aberta de Cataluña (UOC) organiza o curso "Ponte ao día da nova normativa da lingua catalá". Trátase dun curso en liña sobre as novidades normativas do idioma (a nova gramática e a nova ortografía).
Fonte: Generalitat de Catalunya
Boletín
Subscríbase ao boletín
