A aplicación gratuíta para a aprendizaxe de linguas estranxeiras acaba de incluír novos materiais didácticos que permitirán que os usuarios e usuarias poidan desenvolver destrezas máis avanzadas desde niveis máis baixos.
Fonte: Fast Company
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
09 de abril de 2018
De acordo co director do Instituto de Idiomas, Ciencias e Saberes Ancestrais (IICSA) de Ecuador, as 14 linguas orixinarias que se falan neste país suramericano están en grave perigo de desaparición.
09 de abril de 2018
Ante o éxito da primeira edición do curso en liña 'Introdución á lingua aragonesa', a Fundación Aragonesa para a Formación e o Emprego (Araforem) puxo en marcha unha nova edición, a través da cal se busca promover o uso desta lingua e dar a coñecer a súa situación.
Fonte: El Periódico de Aragón
09 de abril de 2018
Bernadette O'Rourke da Universidade Heriot-Watt de Edimburgo, experta na realidade lingüística galega, presentou un novo estudo no que describe o uso do galego entre os neofalantes como "forma de resistencia" e de "activismo".
Fonte: Galicia Confidencial
09 de abril de 2018
O Goberno da Comunidade Valenciana confirmou a posta en marcha dunha liña de axudas dirixidas ao sector empresarial para o fomento do valenciano. Ademais, estas axudas inclúen a concesión dun selo de calidade polo uso desta lingua no seu ámbito de actuación.
Fonte: La Vanguardia
09 de abril de 2018
A Consellería de Cultura, Educación e Ordenación Universitaria concédelles este ano axudas a un total de 155 concellos para dotar as bibliotecas e axencias de lectura municipais dos títulos editoriais máis recentes en lingua galega. Así o publicou o Diario Oficial de Galicia, xunto coa resolución das subvencións para a mellora das coleccións das bibliotecas, na que resultaron beneficiarias 118 localidades das catro provincias galegas.
07 de abril de 2018
O Instituto Camões abriu un novo centro de lingua portuguesa no sur do Senegal, nunha zona fronteiriza con Guinea-Bissau, co que pretende promover o ensino do portugués no país africano.
Fonte: RFI
06 de abril de 2018
Un informe publicado polo Comité de Expertos do Consello de Europa valora positivamente os esforzos feitos por Chipre na aplicación da Carta Europea das Linguas Rexionais e Minoritarias. Porén, o país mediterráneo aínda debe seguir traballando para garantir os dereitos lingüísticos das minorías armenia e árabe-chipriota.
Fonte: Council of Europe
06 de abril de 2018
O filme español Todos lo saben, do director iraniano Asghar Farhadi, abrirá a nova edición do Festival de Cinema de Cannes (Francia).
Fonte: Euronews
06 de abril de 2018
A Universidade de British Columbia decidiu incluír no campus da cidade canadense de Vancouver sinais informativos en inglés e halkomelem, a lingua da comunidade musqueam orixinaria da zona na que se sitúa a zona universitaria.
Fonte: The Globe and Mail
Boletín
Subscríbase ao boletín
