O ministro do Interior de Alxeria emitiu o seu primeiro comunicado oficial en lingua bérber con motivo do Novo Ano Tamazight que foi declarado festa nacional en todo o país norteafricano.
Fonte: Middle East Monitor
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
12 de xaneiro de 2018
A Dirección Xeral de Política Lingüística de Cataluña abrirá, o 29 de xaneiro de 2018, o prazo de inscrición para as probas destinadas a obter os certificados de lingua catalá de nivel básico (A2), elemental (B1), intermedio (B2), suficiencia (C1) e superior (C2).
Fonte: Generalitat de Catalunya
12 de xaneiro de 2018
A Concellería de Normalización Lingüística de Vila-real publicou unha convocatoria de axudas para promover o uso da lingua valenciana destinadas ás asociacións sen ánimo de lucro da localidade. En total, destinaranse 10 000 euros.
Fonte: elperiodic.com
12 de xaneiro de 2018
Os códigos lingüísticos empregados nos dispositivos electrónicos caracterízanse pola tendencia á oralidade e polo seu carácter oralizante, uns fenómenos aos que non escapa a lingua galega e que foron analizados por Estefanía Mosquera Castro, investigadora da Universidade da Coruña.
Fonte: Galicia Confidencial
11 de xaneiro de 2018
A última edición da versión en liña do Dicionario da lingua española da RAE pechou o ano 2017 con preto de 750 millóns de visitas. A media mensual de consultas foi de 65 millóns e foi marzo o mes no que máis visitas se rexistraron (82 millóns).
Fonte: Real Academia Española
11 de xaneiro de 2018
O Servizo de Normalización Lingüística de Redondela organiza os Venres Cativos, actividades para o último venres de cada mes que teñen como obxectivo fomentar o uso e a adquisición da lingua galega nas xeracións máis novas.
Fonte: SNL do Concello de Redondela
11 de xaneiro de 2018
O Consorcio para a Normalización Lingüística de Cataluña traballa para impulsar o uso do catalán en todos os ámbitos, especialmente no eido socioeconómico, que é un dos sectores onde máis relacións comunicativas se establecen cada día. Deste xeito, o tecido comercial é esencial para ofrecer conversación en lingua catalá ás persoas que non dominan o idioma.
Fonte: Generalitat de Catalunya
10 de xaneiro de 2018
O número de falantes nativos do crioulo de Macau ou "patuá macaense" non deixa de diminuír. Actualmente, apenas 50 persoas falan esta lingua que naceu da mestura do portugués, o cantonés e o malaio.
Fonte: The Guardian
10 de xaneiro de 2018
O presidente de Casaquistán, Nursultan Nazarbayev, declarou nun discurso oficial que aprender ruso continúa sendo importante para a república centroasiática.
Fonte: TASS
10 de xaneiro de 2018
A Real Academia da Lingua Vasca-Euskaltzaindia pretende cambiar algunhas definicións vinculadas ás relacións familiares para adaptalas á realidade actual. Deste xeito, os académicos dispoñen dun mes para realizar suxestións e, se non hai obxeccións relevantes, o Dicionario de Euskaltzaindia recollerá os cambios inmediatamente.
Fonte: eitb.eus
Boletín
Subscríbase ao boletín
