A Consellería de Cultura, Participación e Deportes das illas Baleares anunciou a publicación da listaxe definitiva de persoas admitidas nas probas de xaneiro de 2018 para obter os certificados oficiais de coñecemento de catalán. En total, 7910 persoas inscribíronse nestas probas, o que supón un aumento do 127% nos dous últimos anos.

Fonte: Diario de Ibiza

O secretario xeral de Política Lingüística, Valentín García, participou na presentación da nova aplicación móbil DezaTaboleiro, unha axenda cultural colaborativa que recolle a actualidade cultural das comarcas do Deza e Tabeirós-Terra de Montes promovida pola empresa Odaiko coa colaboración da Consellería de Cultura.

Fonte: O Portal da Lingua Galega

A medida que a poboación sueca se fai máis diversa coa chegada de refuxiados e emigrantes, o interese dos seus cidadáns pola aprendizaxe da lingua árabe segue medrando, tal como o demostra o crecente número de cursos para aprendela que existen en centros de ensino de todo o país escandinavo.

Fonte: Daily Sabah

A Real Academia da Lingua Vasca, Euskaltzaindia, solicitaralle maior flexibilidade ao Ministerio de Xustiza de España para rexistrar nomes en éuscaro, pois a actual lexislación do Rexistro Civil obriga a relacionar cada nome cun xénero concreto, mentres que o nomenclátor vasco ten as súas propias características en canto á distinción de xéneros, de xeito que algúns nomes poden designar tanto a nenos como a nenas.