A Mesa pola Normalización Lingüística faise eco dunha denuncia contra as aseguradoras Liberty e Caser por negarse a facerlle un contrato en lingua galega a un cliente.
Fonte: Sermos Galiza
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
24 de novembro de 2017
24 de novembro de 2017
O Parlamento de Galicia acolleu a entrega dos XXIV Premios de Publicidade en Galego, convocados pola Xunta de Galicia a través da Secretaría Xeral de Política Lingüística, polo Parlamento de Galicia e polo Foro Enrique Peinador. Os galardóns recoñecen o traballo realizado a prol da normalización lingüística por parte de empresas e entidades que publicitan os seus produtos en galego nos medios de comunicación, así como das axencias que elaboran os anuncios para elas.
23 de novembro de 2017
A Fundación Labayru puxo en marcha o desafío #botaba co obxectivo de difundir a través de Instagram expresións en éuscaro que se utilizan entre amigos, na casa e no traballo.
Fonte: El Correo
23 de novembro de 2017
As Cortes Valencianas aprobaron a proposición de lei para regular o plurilingüismo na Comunidade, unha iniciativa que establece porcentaxes mínimas para valenciano, inglés e castelán.
Fonte: 20minutos
22 de novembro de 2017
"Galeg@ para sempre" é unha campaña pensada para fomentar o uso do galego no ámbito funerario. Busca, así mesmo, a implicación de empresas e profesionais do sector para que garantan que quen desexe servizos fúnebres en galego poida acceder a eles con normalidade.
Fonte: Galicia Confidencial
22 de novembro de 2017
A comisión de seguimento do Programa de promoción da lingua galega no Bierzo e en Sanabria, asinado polos gobernos galego e castelán leonés no ano 2001, deu conta dun incremento de máis dun cento de alumnos e alumnas en centros de ensino infantil e primario de León e Zamora. Así, o programa computa, neste curso escolar 2017-2018, un total de 1101 estudantes matriculados, fronte aos 980 do anterior.
22 de novembro de 2017
O Simposio Carlos Casares -organizado pola Real Academia Galega (RAG) co apoio da Consellería de Cultura e Educación- repasará durante tres días na sede da RAG e da man de 16 especialistas, a figura, a vida e a obra do autor ourensán homenaxeado polas Letras Galegas 2017.
Fonte: O Portal da Lingua Galega
22 de novembro de 2017
O Goberno de Navarra e o Concello de Pamplona presentaron as actividades que terán lugar no mes de decembro para celebrar o Día Internacional do Éuscaro, que será o día 3 dese mes. En concreto, organizaranse actuacións teatrais, concertos ou laboratorios de cultura dixital que se distribuirán por varias localidades como Alsasua, Tafalla, Lesaka ou Sangüesa, ademais de Pamplona e Tudela.
Fonte: Diario de Navarra
22 de novembro de 2017
Estíbaliz Espinosa é a gañadora do XV Premio de Poesía Afundación, que a entidade convoca xunto ao Centro PEN de Galicia coa colaboración da Consellería de Cultura, Educación e Ordenación Universitaria.
Fonte: O Portal da Lingua Galega
21 de novembro de 2017
O documental Rocky Ros Muc convértese no primeiro traballo cinematográfico rodado en lingua irlandesa que competirá para os premios da Academia dos Óscar.
Fonte: RTÉ
Boletín
Subscríbase ao boletín
