Unha escola da provincia canadense de Ontario lanza unha ferramenta en liña que permite aprender a lingua mohawk dos nativos americanos.
Fonte: CBC
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
21 de novembro de 2017
A Dirección Xeral de Política Lingüística do Goberno de Aragón incorporou 900 rexistros sonoros e vídeos das localidades nas que se fala lingua aragonesa ou catalá á súa páxina web. Deste xeito, este arquivo de tradición oral chega xa aos 1700 documentos.
Fonte: Heraldo
21 de novembro de 2017
Alacant acollerá a denominada "Plaça del Llibre", a festa do libro en lingua valenciana, que reunirá máis de trinta autores valencianos, baleares e cataláns para fomentar a lectura en valenciano con actividades destinadas a todo tipo de público.
Fonte: Diario Información
21 de novembro de 2017
O secretario xeral de Política Lingüística, Valentín García, acompañou a escritora Mónica Varela na presentación do libro Versos e bolboretas.
Fonte: O Portal da Lingua Galega
20 de novembro de 2017
O Goberno local da illa de Pascua, en Chile, aprobou unha norma municipal que converte o rapanui en lingua oficial de todo o territorio insular.
Fonte: La Tercera
20 de novembro de 2017
O Consello de Ministros de Luxemburgo aprobou unha lei que reforzará o papel da lingua luxemburguesa na sociedade. Unha das medidas será a creación do posto de comisario da Lingua Luxemburguesa.
Fonte: Wort
20 de novembro de 2017
Despois do Debate de Orientación Política, Javier Fernández, o presidente de Asturias, indicou que durante a actual lexislatura non se discutirá sobre a oficialidade da lingua asturiana.
Fonte: La Nueva España
20 de novembro de 2017
O TERMCAT presentará, durante o obradoiro internacional "Terminoloxía e dicionarios electrónicos", a ferramenta "TermTest", que está destinada ás persoas e equipos que elaboran dicionarios e que queren autoavaliar a súa calidade.
Fonte: Generalitat de Catalunya
20 de novembro de 2017
O secretario xeral de Política Lingüística, Valentín García Gómez, participou no Pazo dos Ulloa en Esposende, en Ribadavia, no acto de entrega dos XI Premios Bacelos de Prata á queixería lalinense Hoxe e á adega de Castrelo de Miño O Alborexar.
Fonte: O Portal da Lingua Galega
20 de novembro de 2017
O secretario xeral de Política Lingüística, Valentín García, participou, no Centro Camões de Vigo, na inauguración das X Jornadas de Atualização Docente de PLE (português língua estrangeira).
Fonte: O Portal da Lingua Galega
Boletín
Subscríbase ao boletín
