Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
A obra Estudos sobre o cambio lingüístico no galego actual, elaborada polo Instituto da Lingua Galega e o Consello da Cultura Galega, recompila investigacións sobre o cambio lingüístico elaboradas desde unha perspectiva multidisciplinar.
Fonte: Consello da Cultura Galega
A Mesa pola Normalización Lingüística denuncia que a aseguradora Génesis se negou a facilitarlle a un cliente a póliza en lingua galega, aínda que si lle ofreceron facela en español ou en inglés.
Fonte: Galicia Confidencial
Victoria Wanihadie, profesora do estado canadense de Alberta, está loitando contra o reloxo para salvar a lingua beaver que está a piques de desaparecer.
Fonte: CBC
Un grupo de educadores angolanos creou a aplicación Alfabantu que lle permitirá ao público infantil aprender e afianzar o kimbundu, unha das linguas nacionais de Angola.
Fonte: Tecnologia IG
A Xunta de Galicia, membro de pleno dereito da Rede Europea para Promover a Diversidade Lingüística (NPLD, nas súas siglas en inglés), participou en Bruxelas na conferencia de alto nivel ‘Os retos actuais das linguas minoritarias das complexas sociedades de hoxe’, organizada por esta entidade e polo Centre Maurits Coppieters.
Fonte: O Portal da Lingua Galega
A Escola Balear de Administración Pública presentou o Plan de Formación de Lingua Catalá que prevé unha oferta dunhas 1000 prazas para cursos de catalán destinados ao persoal das Administración Públicas das illas Baleares.
Fonte: La Vanguardia
De acordo cos resultados do "Proxecto Arrue" sobre uso de éuscaro no eido escolar, a utilización da lingua vasca aumentou no período 2011-2015, acadando un 59,4 % en 4º de Educación Primaria e un 42,3 % en 2º da ESO.
Fonte: La Vanguardia
O conselleiro de Cultura, Educación e Ordenación Universitaria, Román Rodríguez, compartiu co alumnado do CPI Domingo Fontán, de Portas, o acto do Día da Ciencia en Galego, no marco do mes dedicado a esta efeméride e que este ano ten como protagonista ao científico Domingo Fontán Rodríguez, que elaborou o primeiro mapa topográfico-científico de Galicia.
Fonte: O Portal da Lingua Galega
Por primeira vez na historia de Chipre, a igrexa ortodoxa organizará a primeira celebración litúrxica en lingua de signos co fin de que as persoas con dificultades auditivas poidan ter acceso a este servizo relixioso.
Fonte: News in Cyprus
Un grupo de 314 profesoras e profesores de francés mostrou o seu rexeitamento ante a negativa da Academia Francesa de aceptar mudanzas normativas que convertan o francés nunha lingua máis inclusiva en cuestións de xénero.
Fonte: The Telegraph
Subscríbase ao boletín
