Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
As entidades Plataforma pola Lingua e Acción Cultural do País Valenciano (ACPV) reuníronse cos responsables da cooperativa Consum para valorar a súa recente decisión de eliminar o valenciano da etiquetaxe dos seus produtos de marca propia.
Fonte: València Extra
O Concello de Ames acaba de presentar unha nova edición do Certame Literario de narrativa e poesía ao que poden concorrer textos inéditos de tema libre en lingua galega.
Fonte: Concello de Ames
Segundo os datos de 2016, a edición de libros en galego descendeu case un 6 % respecto ao ano anterior. Pese a isto, Galicia é a comunidade autónoma española que maior porcentaxe de libros na súa lingua edita.
Fonte: CRTVG
O Goberno do País de Gales non lles imporá aos profesionais médicos de atención primaria a obrigatoriedade de prestar servizos en lingua galesa. A medida foi fortemente criticada por algunhas forzas políticas como Plaid Cymru.
Fonte: BBC
O Goberno de Portugal, a través do seu máis alto representante, Marcelo Rebelo de Sousa, promulgou un recurso que recoñece o labor docente dos técnicos formadores en lingua de signos.
Fonte: Jornal de Negócios
O Goberno de Aragón confirmou que a comunidade volverá formar parte da Fundación Pro Real Academia Española da Lingua, a través da que apoiar as accións lingüísticas da institución. Así mesmo, o Goberno aragonés solicitará a actualización dos aragonesismos presentes no dicionario da Real Academia Española.
Fonte: El Periódico de Aragón
A actividade Danza Creativa en Familia enmárcase no proxecto Apego e está destinada a familias con nenas e nenos de 0 a 5 anos.
O Goberno de Navarra aprobou as normas da comisión especial que permitirán redactar as modificacións da antiga lei da lingua vasca na comunidade. A nova lei versará sobre o cumprimento dos dereitos lingüísticos da cidadanía, a eliminación da zonificación e a formalización do éuscaro como lingua oficial de Navarra.
Fonte: Noticias de Navarra
Os catro centros de ensino que se fixeron a mediados de xaneiro cos galardóns do certame de dinamización lingüística Vindevídeos recibiron os seus premios nun acto que se celebrou, tal e como estaba previsto nas bases do certame, no Museo do Mar de Galicia, ao pé do Pergamiño Vindel cuxa estadía galega quixo conmemorar a Consellería de Cultura e Educación a través dunha ampla programación na que se encadrou a iniciativa, convocada polas secretarías xerais de Cultura e de Política Lingüística.
Un grupo de lingüistas atopou tres falantes de badeshi, unha lingua outrora amplamente falada nun pequeno val do norte de Paquistán, que os expertos consideraban extinta.
Fonte: BBC
Subscríbase ao boletín
