As escolas Diwan de ensino bilingüe bretón-francés cumpren 40 anos na Bretaña francesa. A pesar do seu importante labor de promoción da lingua bretoa, o futuro deste idioma celta segue estando ameazado.
Fonte: Libération
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
30 de outubro de 2017
A coñecida escritora viguesa An Alfaya (Mª Ángeles Alfaya Bernárdez) fíxose, por unanimidade do xurado, coa segunda edición do Premio Xosé Neira Vilas de Novela Curta, que convoca a Fundación Xosé Neira Vilas co apoio da Secretaría Xeral de Política Lingüística.
Fonte: O Portal da Lingua Galega
30 de outubro de 2017
O cemiterio municipal de Trigás, en Moaña, acolleu un acto para reivindicar a memoria dos devanceiros que deixaron o galego para as actuais xeracións e para fomentar o emprego desta lingua nos actos funerarios.
Fonte: Faro de Vigo
30 de outubro de 2017
O secretario xeral de Política Lingüística, Valentín García, participou na celebración da Restauración da Memoria Lingüística que a Asociación de Funcionarios pola Normalización lingüística celebrou canda o Concello de Cuntis na parroquia de Couselo.
Fonte: O Portal da Lingua Galega
30 de outubro de 2017
O Auditorio Xosé Neira Vilas da Cidade da Cultura de Galicia acolleu o acto de presentación da obra Soños de nenos, coa que a profesora Mónica Inés Varela Gestoso se fixo no ano 2015 co Premio Arume de Poesía, convocado pola Fundación Xosé Neira Vilas coa colaboración da Secretaría Xeral de Política Lingüística.
Fonte: O Portal da Lingua Galega
30 de outubro de 2017
Máis de 25 000 alumnos e alumnas inscribíronse nos euskaltegis do País Vasco durante a primeira fase da campaña de matriculación. Espérase que 10 000 persoas máis se inscriban nos vindeiros meses.
Fonte: 20minutos
30 de outubro de 2017
O ensino de lingua aragonesa nos centros educativos de Aragón, que cumpre 20 anos, experimentou un crecemento do 80 % no número de alumnos e alumnas respecto ao ano 2015. Ademais, ampliáronse as localidades nas que se ensina esta lingua.
Fonte: El Periódico de Aragón
27 de outubro de 2017
A televisión pública italiana (RAI) está negociando co Ministerio de Desenvolvemento Económico a creación dunha canle de televisión integramente en inglés.
Fonte: Advanced Television
27 de outubro de 2017
Bélxica constituirá un tribunal de comercio en lingua inglesa para lidar con disputas entre empresas internacionais por mor do Brexit.
Fonte: Reuters
27 de outubro de 2017
O Instituto Galego de Estatística (IGE) vén de publicar a Estatística de nomes dos neonatos galegos correspondente ao ano 2016, que reflicte que Sofía substitúe a Noa como o nome máis frecuente para a nenas, mentres que Martín se mantén no primeiro posto entre os nenos ao igual que no 2015.
Fonte: Xunta de Galicia
Boletín
Subscríbase ao boletín
