Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
Os Premios Lois Peña Novo recoñecen na súa XXIII edición o labor a prol da normalización da lingua galega da maxistrada Sandra Piñeiro, do profesor Xurxo Mariño e da Asociación Cultural e Pedagóxica Ponte... nas Ondas!
Fonte: O Portal da Lingua Galega
A Xunta de Galicia vén de reafirmar o seu compromiso co importante labor que desenvolve a Real Academia Galega (RAG) mediante o convenio asinado polo conselleiro de Cultura, Educación e Ordenación Universitaria, Román Rodríguez González, e o presidente desta institución académica, Víctor Fernández Freixanes. O convenio conta cun orzamento de 520 000 euros para a realización de accións culturais, investigación científica e investimentos.
O Consello da Cultura Galega edita por vez primeira en galego a teoría da relatividade cando se cumpren cen anos desde a publicación do texto orixinal de Albert Einstein en 1917.
Fonte: Consello da Cultura Galega
O secretario xeral de Política Lingüística, Valentín García, destacou a Carta Europea para as Linguas Rexionais ou Minoritarias (CELRM) como “o primeiro texto internacional dedicado especificamente ao recoñecemento de dereitos lingüísticos”. Fíxoo durante a súa intervención no acto de inauguración do Foro de debate sobre a CELRM que acolle o Consello da Cultura Galega coa colaboración do Consello de Europa.
Segundo os resultados da terceira enquisa sociolingüística de Asturias, que foron publicados pola Academia da Lingua Asturiana, un 90 % da cidadanía quere que se inclúa o asturiano nos plans de estudo das escolas da Comunidade.
Fonte: La Nueva España
A Consellería de Cultura de Cataluña achegará 300 000 euros a unha nova liña de axudas para traducir obras literarias e non literarias ao catalán. Segundo indicou o conselleiro Santi Vila, cómpre mencionar que se fará fincapé na tradución de ensaios.
Fonte: El Periódico
‘Os mundos de Carlos Casares’, exposición central das Letras Galegas 2017, chega da man da Fundación Carlos Casares e co apoio, entroutros, da Consellería de Cultura -por medio das secretarías xerais de Política Lingüística e de Cultura- á cidade da Coruña para facer parada ata o vindeiro 23 de xullo na Fundación Pedro Barrié de la Maza.
Fonte: O Portal da Lingua Galega
O Goberno do País Vasco aprobou un orzamento de máis de 1,6 millóns de euros para financiar plans de éuscaro nas empresas privadas da Comunidade a través do programa Lanhitz, que axudou a 441 entidades desde o ano 2004.
Fonte: ABC
A oficina do comisario da Lingua Irlandesa da República de Irlanda rexistrou en 2016 un total de 768 queixas en materia de lingua, o récord desde a súa constitución en 2004.
Fonte: The Irish Times
O Instituto Internacional da Lingua Portuguesa (IILP) organiza na sede da Comunidade de Países de Lingua Portuguesa en Lisboa unhas xornadas co obxectivo de promover o portugués e a lusofonía.
Fonte: e-Global
Subscríbase ao boletín
