Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
Este obradoiro de improvisación oral en verso (regueifa) está destinado a docentes de Lingua Galega de Educación Primaria e Secundaria coa finalidade de ensinarlles este recurso lúdico e didáctico para fomentar o uso oral do galego.
Fonte: Consello da Cultura Galega
O Premio Desideri Lombarte recoñece un labor continuo e destacado de defensa do catalán de Aragón, en calquera ámbito, xa sexa social, cultural, deportivo, artístico ou económico.
Fonte: El Periódico
A Universidade de Santiago de Compostela, en colaboración con UNINOVA, convoca o XVI Concurso de Proxectos Empresariais Innovadores, un certame que conta con diferentes modalidades, entre as que se inclúe o “Premio á promoción da lingua galega”.
Fonte: Consello da Cultura Galega
Só tres xuízos se celebraron en éuscaro no ano 2016. No que se refire ao persoal, unicamente 18 xuíces e fiscais dos 343 destinados en Euskadi dominan esta lingua.
Fonte: El Diario
O secretario xeral de Política Lingüística, Valentín García, participou na homenaxe a Xosé González Martínez, organizado polo colectivo Galeguizar Galicia, con motivo da súa xubilación.
Fonte: O Portal da Lingua Galega
A Academia da Lingua Mapuche da rexión chilena da Araucania informou de que o próximo censo poderá realizarse por voluntarios competentes en mapuche para non vulnerar os dereitos dos seus falantes.
Fonte: Biobío Chile
A Universidade de Hull, no norte de Inglaterra, quere que se empregue a linguaxe non sexista nos traballos escritos. A medida foi criticada porque o feito de non facelo podería ter un impacto negativo nas notas do alumnado.
Fonte: The Telegraph
A Comisión Europea rexistrará a iniciativa cidadá "Minority SafePack" que avoga pola protección das persoas que pertencen a minorías lingüísticas co obxectivo de promover e protexer a diversidade lingüística da Unión Europea.
Fonte: La Vanguardia
Segundo a lexislación aprobada en 2008, o Goberno da provincia canadense de Nunavut debía ofrecer antes de 2019 un ensino completamente bilingüe en inglés e inuit en todas as escolas públicas. O ministro de Educación declarou que esta medida non se poderá implementar ata o 2029, o que podería supor un risco para a xa ameazada lingua nativa.
Fonte: CBC
Plataforma per la Llengua lanzou unha campaña contra o desprezo que perciben cara ao catalán na xustiza e para concienciar sobre o dereito a usar esta lingua neste ámbito.
Fuente: El Periódico
Subscríbase ao boletín
