Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
O Banato é unha rexión histórica do sueste de Europa que está dividida actualmente en tres países: Romanía, Serbia e Hungría. No Banato serbio vive aínda unha pequena comunidade de fala checa que está vendo como a súa lingua está cada vez máis ameazada.
Fonte: Radio Praga
A Deputación Foral de Biscaia e a Asociación de Clubs de Traiñeiras (ACT) chegaron a un acordo e asinaron un convenio que apoiará o proxecto 'Euskararen Txantxangorria', que ten o obxectivo de fomentar o uso do éuscaro na maior competición de remo en banco fixo, a Eusko Label Liga.
Fonte: ABC Agencias
A Asociación Cultural Adro de Baio convoca os II Premios Fouciño de pezas audiovisuais curtas que serán de temática libre e en galego (ou con subtítulos en galego), e susceptibles de publicarse baixo licenza Creative Commons.
Fonte: Código Cero
O Goberno de Navarra e Euskaltzaindia veñen de renovar o convenio de colaboración para realizar diversos proxectos culturais durante este ano 2017. Neste acordo recóllense as bases da colaboración e os compromisos que asumen ambas as dúas institucións.
Fonte: 20minutos
O secretario xeral de Política Lingüística, Valentín García, presidiu no IES Ramón Menéndez Pidal da Coruña a entrega do III premio Inventa en Galego que promove Igaciencia co apoio da Secretaría Xeral de Política Lingüística. O galardón recaeu este ano na aplicación “BiciCoruña”, elaborada por alumnado de segundo de bacharelato do dito centro educativo baixo a dirección da profesora Paz Freire Campo.
Este proxecto ten como finalidade proporcionarlles aos investigadores, docentes e persoas interesadas recursos para a investigación lingüística e a formación.
Fonte: El Periódico
A Xunta de Galicia congratúlase pola decisión da Real Academia Galega (RAG) de dedicar o Día das Letras 2018 a María Victoria Moreno Márquez, a cuarta muller na historia que recibe este recoñecemento, e traballa xa na organización dunha homenaxe que todas as galegas e galegos lle renderán á mestra e escritora o vindeiro ano.
Fonte: O Portal da Lingua Galega
Artistas do eido musical de Asturias reuníronse, por vixésimo noveno ano consecutivo, para reivindicar os dereitos lingüísticos da cidadanía asturiana. En concreto, organizáronse xogos para nenos e nenas, presentouse o cantar de 'Reciella. Families pol Asturianu' e celebrouse o XXIX Concerto pola Oficialidade.
Fonte: Asturies.com
Un estudo internacional realizado por unha plataforma mundial de reservas hoteleiras revela que un de cada seis adultos brasileiros (o 16 %) non viaxa polo mundo pola falta de coñecemento de linguas estranxeiras.
Fonte: Paranashop
O Parlamento galego aprobou unha proposición non de lei para reclamarlle a Google Maps que utilice a forma galega dos topónimos, posto que é esta a forma legal e oficial.
Fonte: La Voz de Galicia
Subscríbase ao boletín
