O Consello Escolar do Principado de Asturias deu o seu visto e prace á modificación do currículo do segundo ciclo de Educación Infantil para que inclúa a lingua asturiana.
Fonte: La Nueva España
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
14 de xuño de 2017
14 de xuño de 2017
Os vocabularios galego-italiano das Belas Artes: arquitectura, pintura e escultura, editados polo Servizo de Publicacións da Universidade de Santiago de Compostela (USC), facilitarán o uso do galego no campo das belas artes, segundo as estimacións do secretario xeral de Política Lingüística.
Fonte: O Portal da Lingua Galega
14 de xuño de 2017
A Secretaría Xeral de Política Lingüística publica a resolución das axudas para os proxectos de fomento do uso do galego nos centros de ensino non universitario de titularidade pública, para o curso escolar 2016/2017.
Fonte: Consello da Cultura Galega
14 de xuño de 2017
O secretario xeral de Política Lingüística, Valentín García, acompañou o escritor Xoán Carlos García Porral na presentación do libro O último caseiro, nun acto que se celebrou na libraría compostelá Couceiro.
Fonte: O Portal da Lingua Galega
13 de xuño de 2017
Os escritores Inma López Silva e Xosé Ramón Pena recibiron en Boborás os Premios Antón Losada Diéguez, nos ámbitos da creación e da investigación literaria, respectivamente.
Fonte: O Portal da Lingua Galega
13 de xuño de 2017
O Goberno de Luxemburgo quere normalizar o ensino do chinés mandarín nos institutos do Gran Ducado. A partir do próximo ano lectivo, algúns centros ofrecerán esta lingua desde o primeiro ano do ensino secundario obrigatorio.
Fonte: Delano
13 de xuño de 2017
A partir do próximo curso académico, o barrio luxemburgués de Belair terá unha escola primaria de inmersión en inglés. O alumnado que asista ao centro recibirá todas as materias en inglés coa excepción do luxemburgués.
Fonte: Wort
13 de xuño de 2017
Esta semana iniciáronse os cursos de valenciano organizados polo Negociado de Normalización Lingüística do Concello de Castelló mediante a plataforma en liña "Minerva". Os cursos, nos que participan 44 funcionarios/as municipais, pretenden mellorar as súas competencias lingüísticas e preparalos para os exames da Xunta Cualificadora de Coñecementos do Valenciano.
Fonte: La Plana al Dia
13 de xuño de 2017
Un estudo feito no Florida Institute of Technology amosa as conexións entre as linguas do mundo máis utilizadas en Twitter e as súas semellanzas estruturais. Unha das conclusións máis interesantes para o caso do galego é que esta lingua, xunto co malaio e o ruso, son as tres con maior grao de entropía nas interaccións que se dan nesta rede social.
Fonte: Galicia Confidencial
13 de xuño de 2017
A Plataforma pola Lingua envioulles unha carta aos equipos cataláns de 1ª división de fútbol (FC Barcelona, RCD Español e Xirona FC) onde solicita que lles reclamen aos operadores de televisión que os partidos dispoñan de audio en catalán como "opción por defecto". Do mesmo xeito, tamén piden que esta lingua estea presente nas retransmisións por Internet.
Fonte: ElNacional.cat
Boletín
Subscríbase ao boletín
