O escritorio libre GNOME acaba de lanzar a súa nova versión, a 3.24, que presenta importantes novidades e que está dispoñible en galego grazas ao traballo do Grupo de Tradución de GNOME.
Fonte: Código Cero
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
29 de marzo de 2017
A Asociación de Editores de Revistas e Dixitais (APPEC) e a Generalitat distribuirán, no marco do programa "Gustarache ler en catalán", 9000 revistas nesta lingua en 300 bares e cafeterías de Cataluña.
Fonte: La Vanguardia
29 de marzo de 2017
A Xunta de Galicia congratúlase do nomeamento de Víctor F. Freixanes como novo presidente da Real Academia Galega (RAG). O plenario da institución elixiuno como sucesor do profesor Alonso Montero para os vindeiros catro anos.
Fonte: O Portal da Lingua Galega
29 de marzo de 2017
Varias entidades puxeron en marcha 'Baietz 20 ordu euskaraz', unha iniciativa coa que se pretende impulsar a utilización do éuscaro neste barrio de San Sebastián e fomentar a igualdade entre as linguas.
Fonte: El Diario
29 de marzo de 2017
O conselleiro de Cultura, Educación e Ordenación Universitaria, Román Rodríguez, participou en Santiago na homenaxe ao dramaturgo Manuel Daniel Varela Buxán, con motivo do 30 aniversario do seu pasamento.
Fonte: O Portal da Lingua Galega
29 de marzo de 2017
O conselleiro de Educación do Goberno de Navarra sinalou que a Universidade Pública de Navarra ten previsto incrementar para o ano 2019 os créditos en éuscaro un 16,5 %.
Fonte: Noticias de Navarra
29 de marzo de 2017
O secretario xeral de Política Lingüística, Valentín García, asistiu na Casa da Cultura Roberto Blanco Torres á presentación da peza teatral Ghuasá, de Fernando González Graña.
Fonte: O Portal da Lingua Galega
28 de marzo de 2017
O ministro da Lingua Galesa, Alun Davies, anunciou que o Goberno de Gales destinará 4,2 millóns de libras esterlinas a organizacións que realicen proxectos de promoción e protección da lingua galesa.
Fonte: South Wales Argus
28 de marzo de 2017
Por motivos relacionados co seu pasado colonial, dúas rexións de Camerún teñen o inglés como primeira lingua fronte ao resto da poboación que se expresa normalmente en francés. Nos últimos meses, a tensión entre o goberno e a poboación anglófona creceu exponencialmente e xa se produciron cinco mortes en diferentes manifestacións.
Fonte: Quartz
27 de marzo de 2017
O colectivo de defensa da lingua bretoa Brezhoneg er skinwell manifestouse para demandar que se volva empregar o bretón nas retransmisións da televisión pública no departamento francés de Loira Atlántico. As emisións desta lingua foron interrompidas no ano 2002 despois de 30 anos de difusión continuada.
Fonte: Jornalet
Boletín
Subscríbase ao boletín
