A Axencia Rexional para a Lingua Friulana desenvolveu un proxecto que emitirá documentais en lingua friulana sobre diferentes aspectos culturais na Radio Televisión Italiana (RAI).
Fonte: Messaggero Veneto
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
14 de febreiro de 2017
Riccardo Bertani ten 86 anos, é agricultor e coñece cen linguas diferentes. Xa publicou centenas de volumes, entre dicionarios, traducións e ensaios e mostra particular vocación polos idiomas de Asia Central.
Fonte: La Repubblica
14 de febreiro de 2017
O día dos namorados foi o elixido este ano pola Secretaría Xeral de Política Lingüística e pola Dirección Xeral de Xuventude, Participación e Voluntariado para botar a andar unha nova quenda do concurso en liña de mensaxes de amor en galego dirixido á mocidade 'Lingua de namorar', que chega á súa quinta edición.
Fonte: O Portal da Lingua Galega
14 de febreiro de 2017
A agrupación Somos Avilés solicitoulle ao Goberno municipal que todos os elementos de comunicación do concello estean en asturiano.
Fonte: Asturies.com
14 de febreiro de 2017
A Consellería de Cultura, Educación e Ordenación Universitaria porá a disposición dos centros información co fin de dar cumprimento ao establecido no Decreto 79/2010, do 20 de maio, para o plurilingüismo no ensino non universitario de Galicia, tal e como xa se vén facendo.
Fonte: O Portal da Lingua Galega
14 de febreiro de 2017
O conselleiro de Cultura, Educación e Ordenación Universitaria, Román Rodríguez, presentou o avance da programación da Xunta de Galicia para conmemorar as Letras Galegas 2017, dedicadas ao ourensán Carlos Casares Mouriño.
Fonte: O Portal da Lingua Galega
13 de febreiro de 2017
O proxecto "Language Legends" creou un mapa interactivo que mostra a diversidade lingüística de Australia. O mapa contén puntos de cores que corresponden ás 780 linguas nativas rexistradas no país.
Fonte: Global Voices
13 de febreiro de 2017
Organizacións non gobernamentais como Human Rights Watch e Amnistía Internacional esixíronlle a China que libere o activista a prol da lingua tibetana Tashi Wangchuk, xusto cando se cumpre un ano da súa detención.
Fonte: The Tibet Post
13 de febreiro de 2017
O secretario xeral de Política Lingüística, Valentín García, participou na presentación do libro de fotografías antigas Tal como eramos.
Fonte: O Portal da Lingua Galega
13 de febreiro de 2017
Ponse en marcha en Navarra unha campaña para animar á matriculación en éuscaro na zona non vascófona
A asociación Sortzen Elkartea centra a súa campaña nos municipios situados ao sur de Navarra co obxectivo de convencer as familias de que matriculen os seus fillos no modelo D en éuscaro.
Fonte: El Confidencial Autonómico
Boletín
Subscríbase ao boletín
