Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
Membros do lectorado de galego desta universidade alemá presentaron a aplicación 'O Ximnasio dos Verbos' no marco dun proxecto docente que ten como finalidade axudar a que o alumnado aprenda os verbos (semi)irregulares do galego.
Fonte: Galicia Confidencial
A curta está inspirada na serie británica Black Mirror e ten como finalidade denunciar os obstáculos para falar galego na vida diaria. Esta iniciativa enmárcase na campaña desta organización destinada a conseguir máis de 10 000 sinaturas para presentar unha iniciativa lexislativa popular que garanta os dereitos lingüísticos no ámbito socioeconómico.
Fonte: Galicia Confidencial
Ao proxecto "Merkataritzan eta ostalaritzan ere euskaraz", impulsado polo Concello de San Sebastián, uníronse máis de 1000 comercios que deberán colocar un distintivo no exterior e terán que contar con, polo menos, a metade do cadro de persoal que saiba falar en éuscaro.
Fonte: Diario Vasco
O Departamento de Cultura convoca axudas para fomentar o emprego do catalán, o occitano e a lingua de signos catalá, unhas axudas que se incrementaron no número de liñas así como na dotación total e nos conceptos subvencionables.
Fonte: Generalitat de Catalunya
Un grupo de ministros israelís aprobou o borrador dunha polémica lei que pretende rebaixar o status actual do árabe como segunda lingua oficial no país.
Fonte: Clarín
O presidente da Comisión Europea, Jean-Claude Juncker, declarou nunha conferencia celebrada en Italia que o inglés está a perder peso no conxunto das linguas da Unión Europea pola decisión do Reino Unido de abandonar o grupo de 28 estados.
Fonte: BBC
O obxectivo destes premios é fomentar a investigación entre o alumnado de bacharelato sobre temas relacionados coa lingua e a literatura catalás, así como espertar vocacións para o estudo da filoloxía catalá.
Fonte: Generalitat de Catalunya
O Diplocat publicou un informe (en castelán, inglés, alemán e francés) que contén unha listaxe de 45 casos de persecución da lingua catalá en España.
Fonte: El Nacional
No marco do proxecto Apego, o Goberno local organiza unha serie de actividades para impulsar o uso do galego entre os máis cativos.
Fonte: La Opinión
Esta iniciativa, posta en marcha pola Coordinadora de Traballadores/as pola Normalización da Lingua, ten como obxectivo contribuír a visibilizar e reivindicar o emprego do galego en todos os ámbitos.
Fonte: CTNL
Subscríbase ao boletín
