A web dos Bolechas vai incorporando periodicamente material educativo en galego para os cativos e desta vez lanza un vídeo co que se pretende concienciar sobre a importancia dos “tres R”: reducir, reutilizar e reciclar.
Fonte: Galicia Confidencial
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
27 de xaneiro de 2017
27 de xaneiro de 2017
A Plataforma pola Lingua e Ferrocarrís da Generalitat de Catalunya puxeron en marcha "El tren de la llengua", unha iniciativa que ten como obxectivo crear parellas lingüísticas nos trens para practicar ol catalán durante os traxectos.
Fonte: El Nacional
27 de xaneiro de 2017
Segundo unha enquisa, arredor de sete de cada dez persoas aproban a política lingüística que se leva a cabo en Cataluña, cunha puntuación de 5 ou máis puntos, mellorando así a cualificación do ano anterior.
Fonte: Generalitat de Catalunya
27 de xaneiro de 2017
O Departamento de Psicoloxía dunha universidade de Hong Kong elaborou un estudo que mostra que os estudantes que reciben axuda de auxiliares nativos de inglés contribúen a unha mellora substancial das competencias lingüísticas.
Fonte: SCMP
27 de xaneiro de 2017
O Goberno do estado brasileiro de Amazonas e a Secretaría de Estado de Educación e Calidade do Ensino abrirán a partir do actual ano lectivo unha nova escola bilingüe, a primeira que ofreza unha educación bilingüe portugués-francés.
Fonte: acrítica
26 de xaneiro de 2017
A segunda edición do Concurso Balbino de Relatos premiará o mellor traballo inspirado no rural galego. A iniciativa, que inclúe como premio 1500 euros e a publicación da obra por Edicións Fervenza, pretende “ser un estímulo para todas as persoas que queiran promover e dar a coñecer Galicia e a súa lingua e cultura propias desde as temáticas máis vencelladas á nosa tradición, idiosincrasia ou costumes”, tal e como detallou o secretario xeral de Política Lingüística, Valentín García.
26 de xaneiro de 2017
Nas webs das principais institucións do Estado español, galego, éuscaro e catalán teñen unha presenza residual, ademais de conter erros lingüísticos abundantes.
Fonte: Noticias de Gipuzkoa
26 de xaneiro de 2017
O escritor Carlos Casares contará na súa cidade natal cun roteiro que percorrerá a súa traxectoria vital e literaria a través de 20 placas de cerámica nas que se reproducen diversos fragmentos da súa obra.
Fonte: O Portal da Lingua Galega
26 de xaneiro de 2017
O Plan estratéxico do éuscaro (2016-2019), que pretende servir para garantir os dereitos lingüísticos da cidadanía, conta con sete eixes de actuación: uso social, novos falantes, servizos públicos, prestixio e atractivo, motor económico, marco lingüístico e xestión interna de Euskarabidea.
Fonte: EiTB
26 de xaneiro de 2017
O presidente da Xunta, Alberto Núñez Feijóo, comprometeu a elaboración dun plan da cultura galega, acordado cos principais axentes dos distintos sectores culturais, para fixar as liñas mestras de actuación para os vindeiros anos.
Fonte: O Portal da Lingua Galega
Boletín
Subscríbase ao boletín
