Con esta declaración institucional o Consello Navarro do Éuscaro recoñece que esta é a lingua propia de Navarra e patrimonio dos seus habitantes. Ademais, formulan propostas para que non se converta nun elemento de conflito.
Fonte: 20minutos
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
20 de xaneiro de 2017
20 de xaneiro de 2017
Estes dous premios, un de investigación e outro de creación literaria, teñen como obxectivo recoñecer o talento en lingua galega do alumnado preuniversitario así como darlle a coñecer a propia Universidade de Vigo.
Fonte: Universidade de Vigo
20 de xaneiro de 2017
Dinamarca quere introducir unha proba de lingua a nenos de tres anos para comprobar o seu grao de competencia e garantir un mellor desenvolvemento académico.
Fonte: Independent
20 de xaneiro de 2017
Unha catedrática da Universidade de Cambridge considera que sería importante que o Goberno do Reino Unido dese oportunidades aos cidadáns británicos para aprender linguas como o panxabi, o polaco e o urdú para incrementar a cohesión social.
Fonte: The Guardian
19 de xaneiro de 2017
A Consellería de Cultura e Educación, por medio da Secretaría Xeral de Política Lingüística, apoia o labor de promoción do uso do galego dos equipos de dinamización da lingua galega (EDLG) dos centros de ensino coa publicación de dúas convocatorias de axudas destinadas tanto a centros docentes públicos coma a privados.
Fonte: Xunta de Galicia
19 de xaneiro de 2017
O conselleiro de Cultura, Educación e Ordenación Universitaria, Román Rodríguez, reuniuse co secretario xeral do Instituto Cervantes, Rafael Rodríguez-Ponga, nun encontro no que lle propuxo a celebración dun acto de homenaxe en Madrid á figura de Carlos Casares.
Fonte: O Portal da Lingua Galega
19 de xaneiro de 2017
Os cursos de valenciano destinados a Policía Nacional e Garda Civil terán carácter voluntario e teñen como obxectivo facer fronte aos casos de discriminación lingüística por parte destes corpos.
Fonte: La Vanguardia
19 de xaneiro de 2017
Neste novo acordo de colaboración EiTB comprométese, entre outros aspectos, a fomentar o éuscaro batua en todos os seus medios e a darlles visibilidade aos diferentes dialectos desta lingua.
Fonte: Deia
19 de xaneiro de 2017
O avogado Joan Vall iniciou un proceso que levou a Tribunal Superior de Xustiza de Madrid a pedirlle ao Estado que decida se catalán e valenciano son ou non a mesma lingua.
Fonte: El Nacional
19 de xaneiro de 2017
Kristian Hanto, do Centro Universitario de Svalbarda, realizou un estudo comparativo da situación do galego e do nynorsk, analizando as estratexias en política lingüística nos dous países.
Fonte: Galicia Confidencial
Boletín
Subscríbase ao boletín
