Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
O secretario xeral de Política Lingüística, Valentín García, asistiu no concello pontevedrés de Lalín á actividade de dinamización lingüística 'A galiña azul', que despide estes días o seu paso polo programa FalaRedes en 21 concellos da Rede de Dinamización Lingüística (RDL) da Xunta de Galicia.
Fonte: O Portal da Lingua Galega
O presidente da República de Cabo Verde, Jorge Carlos Fonseca, subliñou a importancia estratéxica do portugués e defendeu un maior investimento no Instituto Internacional da Lingua Portuguesa.
Fonte: Notícias ao Minuto
O secretario de Estado das Comunidades de Portugal, José Luís Carneiro, e o ministro de Educación luxemburgués, Claude Meisch, asinaron un acordo para a promoción e reforzo da lingua portuguesa no sistema educativo de Luxemburgo.
Fonte: Porto Canal
A investigación, realizada pola Universidade do País Vasco, a Universidade Pública de Navarra e o Centro de Investigación da Lingua e os Textos Vascos de Baiona (Francia), analiza a prosodia do castelán en contacto co éuscaro.
Fonte: Pamplona Actual
O estudo Prácticas e actitudes lingüísticas da mocidade en Galicia elaborouse a partir de entrevistas a mozos e mozas de 15 a 25 anos entre decembro de 2015 e febreiro de 2016.
Fonte: Consello da Cultura Galega
O secretario xeral de Política Lingüística, Valentín García, asistiu no auditorio Manuel Dopazo da Bandeira ao espectáculo ‘O Naranxo’.
Fonte: O Portal da Lingua Galega
O conselleiro de Cultura, Educación e Ordenación Universitaria, Román Rodríguez, visitou o Centro de Estudos Galegos de París / Centre d’Etudes Galiciennes da Université de Paris III – Sorbonne Nouvelle.
Fonte: O Portal da Lingua Galega
O secretario xeral de Política Lingüística, Valentín García, asistiu na Estrada á conferencia ‘Historia do Pazo de Oca’, impartida polo catedrático José Florencio Rodríguez-Montero Valladares.
Fonte: O Portal da Lingua Galega
A Oficina Central Estatística da República de Irlanda revelou que nos últimos cinco anos se rexistrou un descenso alarmante do número habitual de falantes de gaélico nas “gaeltacht” ou zonas de fala irlandesa en todo o país.
Fonte: Irish Times
A Comunidade das Autoridades de Aviación Civil Lusófona (CAACL) quere que o portugués se converta en lingua de traballo na Organización da Aviación Civil Internacional (ICAO), unha axencia especializada da ONU.
Fonte: Jornal de Negócios
Subscríbase ao boletín
