Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
A ópera galega O Arame estrearase o vindeiro 10 de xuño no Magdalen College de Oxford, como coprodución entre o Centro John Rutherford de Estudos Galegos, dependente da Rede de Lectorados e Centros de Estudos Galegos da Consellería de Cultura, Educación e Ordenación Universitaria, o Queen’s College da Universidade de Oxford e XOGA (Xove Ópera Galega-Galician Youth Opera).
Fonte: O Portal da Lingua Galega
Con este plan búscase estender gradualmente a aprendizaxe obrigatoria de dúas linguas estranxeiras ata a Educación Secundaria, así como mellorar a formación do profesorado e adiantar o estudo dun segundo idioma ao segundo ciclo de Educación Infantil.
Fonte: Ideal
A terceira edición da Olimpíada de Tradución de Textos Clásicos celebrouse na Facultade de Filoloxía e nela participaron 52 alumnos na proba de grego e 67 na de latín.
Con gallo do 30 aniversario das Trobades d'Escoles Valencianes, a organización Escola Valenciana solicitoulle ao Goberno da comunidade a creación dunha lei de igualdade lingüística.
Fonte: ABC
O secretario xeral de Política Lingüística, Valentín García, clausurou no Consello da Cultura Galega o V Encontro de profesores e estudantes de catalán no exterior.
Fonte: O Portal da Lingua Galega
O Congreso Nacional do Brasil aprobou o acordo que prevé a emisión de visados a estudantes de países de lingua portuguesa. A iniciativa beneficiará os seguintes países: Angola, Cabo Verde, Guinea-Bisau, Guinea Ecuatorial, Mozambique, Portugal, San Tomé e Príncipe e Timor Leste.
Fonte: Radioagência Nacional
Catro músicos, os portugueses Capicua e Valete e os brasileiros Emicida e Rael, uníronse para publicar un disco de música nas dúas variedades de portugués que separa o Atlántico. O proxecto levará o nome de Língua franca.
Fonte: RTP Notícias
No proxecto educativo Gazapon Go participaron 25 colexios de oito comunidades autónomas. Con esta iniciativa convídase os alumnos a que "capturen" cazapos, erratas e erros lingüísticos que atopen no seu día a día.
Fonte: La Vanguardia
A plataforma web Emilab pretende impulsar a docencia en inglés a través do apoio ao profesorado e aos investigadores na elaboración dos seus traballos na devandita lingua.
Fonte: Universidade de Vigo
Unha nova edición do festival musical “A mocidade coa lingua 2017” chega a Ferrol, unha iniciativa na que a música en galego é a protagonista.
Fonte: Galicia Confidencial
Subscríbase ao boletín
