Acábase de estrear Lo Pichòt Comtadin, un novo xornal en liña en lingua occitana que ofrecerá noticias de actualidade do mundo e do antigo condado Venaissin.
Fonte: Jornalet
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
04 de abril de 2017
A Mesa pola Normalización Lingüística convocou unha mobilización fronte ao Rexistro Civil de Corcubión como protesta ante a súa negativa a cambiarlle o apelido "Rey" por "Rei" a unha estudante, malia que a legalidade ampara a súa solicitude.
Fonte: El Progreso
04 de abril de 2017
O Concello de Pamplona destinará 20 000 euros a axudas para que mozas e mozos da cidade poñan en marcha proxectos culturais e artísticos en éuscaro.
Fonte: Pamplona Actual
04 de abril de 2017
Estas axudas están destinadas a entidades culturais sen ánimo de lucro da provincia de Pontevedra que desenvolvan actividades de dinamización lingüística.
Fonte: Consello da Cultura Galega
04 de abril de 2017
Co Colexio Rural Agrupado de Cubillos del Sil elévase a 18 o número de centros educativos da comarca do Bierzo nos que se impartirá o vindeiro curso o ensino de lingua galega.
Fonte: Diario de León
04 de abril de 2017
As Feiras do Libro de Galicia 2017 inician en Verín un percorrido que as levará por 16 concellos das catro provincias galegas, dous máis que o pasado ano.
Fonte: O Portal da Lingua Galega
03 de abril de 2017
A Rexión Autónoma Uigur de Xinjiang fortalecerá o ensino infantil bilingüe uigur-chinés coa construción de máis escolas e a contratación de profesorado competente nas dúas linguas.
Fonte: ECNS
03 de abril de 2017
Unha iniciativa da Corporación Nacional de Desenvolvemento Indíxena de Chile (Conadi) permitirá que indíxenas da rexión de O'Higgins poidan impartir clases de mapuche en centros escolares.
Fonte: El Tipógrafo
03 de abril de 2017
Este obradoiro de improvisación oral en verso (regueifa) está destinado a docentes de Lingua Galega de Educación Primaria e Secundaria coa finalidade de ensinarlles este recurso lúdico e didáctico para fomentar o uso oral do galego.
Fonte: Consello da Cultura Galega
03 de abril de 2017
O Premio Desideri Lombarte recoñece un labor continuo e destacado de defensa do catalán de Aragón, en calquera ámbito, xa sexa social, cultural, deportivo, artístico ou económico.
Fonte: El Periódico
Boletín
Subscríbase ao boletín
