O barrio de Jackson Heights, no distrito neoirquino de Queens, acolle persoas de moitas culturas que falan unhas 130 linguas diferentes. Un bo exemplo é o mustang, un dialecto do tibetano orixinario das montañas do Himalaia.
Fonte: PRI
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
01 de xullo de 2016
O Goberno de Aragón publica subvencións co obxectivo de fomentar as linguas minoritarias que conviven na comunidade. As actividades que poden optar a estas axudas son: a edición de obras en aragonés ou catalán, a difusión do patrimonio lingüístico e a investigación.
Fonte: Iustel
01 de xullo de 2016
As normas oficiais da International Union of Pure and Applied Chemistry (IUPAC) xa teñen unha versión en galego. Trátase dunha guía breve de esquemas das regras de nomenclatura esenciais para elaborar nomes e fórmulas de compostos inorgánicos, de compostos de coordinación e de compostos organometálicos.
Fonte: Galicia Confidencial
01 de xullo de 2016
Skype presentou unha nova versión da súa aplicación que incorpora soporte lingüístico en dous idiomas que se escriben de dereita á esquerda: o árabe e o hebreo.
Fonte: Android Community
01 de xullo de 2016
A Comisión Europea confirma que os resultados do referendo no Reino Unido non supoñen ningunha ameaza para o status do inglés e o irlandés como linguas oficiais en Europa.
Fonte: The Times
30 de xuño de 2016
O secretario xeral de Política Lingüística, Valentín García, participou en Lugo no acto de presentación da X edición do Certame Condado de Pallares, unha iniciativa coa que a Asociación de Amigos do Mosteiro de Ferreira de Pallares promove a investigación humanística en galego.
Fonte: O Portal da Lingua Galega
30 de xuño de 2016
A Consellería de Cultura e Educación levará ata os concellos de Noia e Forcarei as propostas de dinamización lingüística do programa 'FalaRedes', que a Secretaría Xeral de Política Lingüística destina ás entidades adscritas á Rede de Dinamización Lingüística (RDL) da Xunta de Galicia.
Fonte: O Portal da Lingua Galega
30 de xuño de 2016
A produción editorial en lingua galega descendeu en 2015 un 3,1 %. Pola contra, aumentou en valenciano un 22,2 %, en catalán un 13,3 % e en éuscaro un 8,5 %. En todo o estado un 84,7 % dos libros editouse en castelán, o 10% en catalán, o 1,9 % en galego, o 1,7 % en valenciano e o restante 1,7 % en éuscaro.
Fonte: 20 minutos
30 de xuño de 2016
O Goberno afirma que a presenza do éuscaro nas organizacións públicas aumentou, pero recoñece que aínda existen moitos aspectos nos que se debe mellorar, como poden ser os criterios de emprego das linguas oficiais ou o emprego oral do éuscaro.
Fonte: El Diario
30 de xuño de 2016
Estes premios son unha iniciativa da Fundación do polígrafo e galeguista que, en colaboración coa Secretaría Xeral de Política Lingüística, busca favorecer o achegamento dos escolares ao patrimonio cultural e lingüístico galego.
Fonte: O Portal da Lingua Galega
Boletín
Subscríbase ao boletín
