Os conselleiros de Cultura, Educación e Ordenación Universitaria, Román Rodríguez, e de Política Social, José Manuel Rey Varela, participaron na entrega dos premios do concurso 'Lingua de namorar', un certame que ten como obxectivo promover o uso da lingua propia de Galicia na mocidade a través dos medios con que se comunica na súa vida cotiá, entre os que a Internet e os diferentes sistemas de mensaxería instantánea son fundamentais.
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
01 de abril de 2016
31 de marzo de 2016
Os euskaltegis están a reforzar as certificacións dos niveis de éuscaro máis básicos, é dicir, o A1 e o A2, co obxectivo de chegar a ese 50 % de maiores de 40 anos que non ten coñecementos desta lingua.
Fonte: Noticias de Gipuzkoa
31 de marzo de 2016
Unha modificación na Lei de función pública permitirá que o catalán volva ser un requisito para acceder a un posto de funcionario nas illas Baleares.
Fonte: ABC
30 de marzo de 2016
As universidades do Miño e Luxemburgo traballarán xuntas nun proxecto de colaboración que pretende fortalecer a aprendizaxe da lingua portuguesa en Luxemburgo para así combater o fracaso escolar.
Fonte: Wort
30 de marzo de 2016
Un grupo de arqueólogos italianos descubriu unha pedra con inscricións en lingua etrusca que podería ofrecer máis datos sobre esta civilización antiga en Italia.
Fonte: Ars Technica
30 de marzo de 2016
O sábado 2 de abril é a quenda das probas para a obtención dos certificados en lingua galega Celga 4; e o domingo, para o Celga 2. Os exames terán lugar en Santiago (no IES Antonio Fraguas e na Escola Galega de Administración Pública) e en Ponferrada (na Escola Oficial de Idiomas). Pódese consultar o lugar correspondente para a realización das probas e máis información nas seguintes ligazóns:
30 de marzo de 2016
A asociación Acció Cultural del País Valencià reclama esta lei de igualdade lingüística ante a petición realizada por un xulgado de Benidorm de que se traducise unha demanda ao castelán para axilizar trámites.
Fonte: La Vanguardia
30 de marzo de 2016
Os impulsores deste manifesto queren concienciar a poboación sobre a situación do catalán e o seu papel vertebrador e sobre os riscos do bilingüismo.
Fonte: El País
30 de marzo de 2016
Desde a Generalitat aseguran que a presenza do catalán en Twitter é un grande avance para o idioma en canto á presenza nesta rede social.
Fonte: El Periódico
30 de marzo de 2016
A cultura e a produción literaria galegas serán as protagonistas da Feira Internacional do Libro de Buenos Aires 2016 cun programa de preto de 150 actividades que difundirán o sector editorial de Galicia a través deste evento de referencia internacional.
Fonte: O Portal da Lingua Galega
Boletín
Subscríbase ao boletín
