Xa está aberto o prazo de inscrición para presentarse ao primeiro concurso musical infantil en galego "Quero Cantar"
Fonte: Galicia Confidencial
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
11 de xaneiro de 2016
09 de xaneiro de 2016
Malia seren de aplicación oficial, as novas regras do Acordo Ortográfico da Lingua Portuguesa son difíciles de usar para moitos brasileiros, especialmente o alumnado de centros educativos que agora debe empregar obrigatoriamente a nova grafía.
Fonte: Cruzeiro do Sul
09 de xaneiro de 2016
O ministro de Asuntos Exteriores de Portugal, Augusto Santos Silva, defendeu que a importancia do portugués non pode ser reducida unicamente ao seu valor económico, e subliña que debe ser promovido "como a lingua das persoas".
Fonte: Rádio Vaticano
08 de xaneiro de 2016
O Parlamento portugués manifestou a súa solidariedade polo incendio que destruíu o Museo da Lingua Portuguesa en São Paulo e mostrou a súa vontade de colaborar nos labores de reconstrución.
Fonte: Revista Port
08 de xaneiro de 2016
A revista cultural irlandesa Nós organiza un galardón musical en Dublín para premiar as mellores cancións en gaélico irlandés.
Fonte: State
08 de xaneiro de 2016
Unha proposición de lei presentada no Parlamento balear recolle que o catalán sexa un requisito para ser empregado público na Administración autonómica, insular e local.
Fonte: El Economista
08 de xaneiro de 2016
Segundo o informe Y a partir de ahora qué, elaborado pola Viceconsellería de Política Lingüística, o éuscaro gañou mais de 300 000 falantes nos últimos 25 anos.
Fonte: El Mundo
08 de xaneiro de 2016
O Centro Superior de Investigacións Científicas (CSIC), dependente do Ministerio de Economía, e que en Galicia conta cunha delegación e cinco centros, exclúe o galego en case todas as súas comunicacións.
Fonte: Praza Pública
08 de xaneiro de 2016
Por cuarto ano, Redondela organiza o Lareta 2016, un festival de monólogos cuxo protagonista é o galego.
Fonte: SNL de Redondela
07 de xaneiro de 2016
O Diario Oficial de Galicia publica a Resolución do 23 de decembro de 2015, da Secretaría Xeral de Política Lingüística, pola que se convocan as probas para a obtención dos certificados de lingua galega, niveis Celga 1, 2, 3 e 4, no ano 2016 (ED114A).
Fonte: Xunta de Galicia
Boletín
Subscríbase ao boletín
