O proxecto, posto en marcha pola Real Academia Galega e presentado no CEIP Curros Enríquez da Coruña, achega a través da súa web distintos materiais didácticos para o alumnado de Infantil e de Primaria.
Fonte: Real Academia Galega
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
13 de abril de 2016
13 de abril de 2016
O Concello de Barañáin asinou un convenio coa Fundación Sahats para impulsar o proxecto Bai Euskarari para 2016.
Fonte: Noticias de Navarra
13 de abril de 2016
Un informe mostra que só un de cada dez estudantes de francés do mundo decide aprender a lingua de Molière en Canadá. Pola contra, Francia acolle o 83 % dos estudantes, mentres que Suíza e Bélxica reciben un 5 e un 3 %, respectivamente.
Fonte: The PIE News
13 de abril de 2016
Ante a mellora das relacións políticas entre Cuba e os Estados Unidos, as últimas tendencias mostran que a sociedade cubana considera cada vez máis necesario aprender e perfeccionar a lingua inglesa.
Fonte: Business Insider
12 de abril de 2016
A Consellería de Cultura, Educación e Ordenación Universitaria, por medio da Secretaría Xeral de Política Lingüística, rematou as probas da primeira convocatoria de exames de acreditación da lingua galega para o ano en curso. A elas presentáronse, na capital de Galicia e mais en Ponferrada, un total de 1575 persoas das 1816 inicialmente matriculadas, o que supón un índice de participación do 80,56 %.
12 de abril de 2016
O concurso literario Mazarelos chega á súa segunda edición e a el poderase presentar o alumnado cunha obra de calquera xénero literario e de calquera tema, sempre que sexa orixinal e en galego.
11 de abril de 2016
Unha docente da Universidade de Estudos Internacionais de Xangai augurou que o ensino da lingua portuguesa seguirá crecendo en China.
Fonte: Ponto Final
11 de abril de 2016
A Universidade de Coímbra creará, xunto co Instituto Politécnico de Macau, un mestrado nunha institución de ensino superior chinesa que formará futuros docentes de portugués como lingua estranxeira.
Fonte: Revista Port
11 de abril de 2016
O deputado xeral, Markel Olano, mantén que a colaboración na nova formulación foral sobre o éuscaro "traerá un cambio na xestión institucional".
Fonte: Noticias de Gipuzkoa
11 de abril de 2016
A Área de Educación e a Oficina de Dinamización, Promoción e Uso do Valenciano organiza actividades para a semana do 18 ao 25 de abril con motivo do Día do Libro.
Fonte: Las Provincias
Boletín
Subscríbase ao boletín
