Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
A Consellería de Cultura, Educación e Ordenación Universitaria considera que a sentenza do Tribunal Constitucional –que vén de desestimar o recurso interposto pola Real Academia Galega (RAG) contra o Decreto do plurilingüismo– reforza e ratifica a legalidade do devandito texto normativo.
Fonte: Xunta de Galicia
A Consellería de Cultura, Educación e Ordenación Universitaria concluíu a selección de cinco novas lectoras de lingua, literatura e cultura galegas que se incorporarán neste curso académico 2015-2016 ás universidades do País Vasco, de Oxford, de Birmingham, da Sorbona-Nova París III e Federal de Bahía.
Fonte: Xunta de Galicia
A cita será os días 15 e 16 de outubro de 2015 na sede do Consello da Cultura Galega. Nesta edición atenderanse especialmente os distintos traballos de investigación sobre a xuventude e os seus comportamentos lingüísticos, a política lingüística no ámbito local e a transmisión lingüística.
Fonte: Consello da Cultura Gaega
Na modalidade de Lingua dos Premios da Cultura Galega 2015 o galardón é para a Coordinadora Galega de Equipos de Normalización e Dinamización Lingüística, unha entidade creada en 2009 coa intención de coordinar actividades e experiencias e de servir de canle para as iniciativas, inquietudes e propostas relacionadas coa nosa lingua.
Fonte: Xunta de Galicia
Estas dúas cidades acollerán no mes de outubro actividades dirixidas a promover a transmisión lingüística en galego na familia, actividades que se enmarcan no proxecto Apego.
Fonte: Consello da Cultura Galega
Estes dous concellos enviáballe as súas actas á Delegación do Goberno soamente en éuscaro, polo que esta institución decidiu denuncialos ante os tribunais. Porén, o Xulgado do Contencioso Administrativo de Donostia-San Sebastián deulles a razón e poderán continuar con esta práctica.
Fonte: EiTB
As subvencións á produción editorial en asturiano aumentaron en 8500 euros, mentres que descenderon as destinadas a medios e a discográficas.
Fonte: Asturies.com
A tradución ao galego de Moodle, unha aplicación educativa e virtual de distribución libre dirixida ao profesorado, superou xa a taxa do 85 %, o que sitúa esta lingua na listaxe das trinta que pasaron a porcentaxe do 80 %.
Fonte: Código Cero
Co fin de conmemorar o Día Europeo das Linguas, o Centro de Linguas Modernas da Universidade do Miño (Portugal) acollerá alumnado de secundaria para que participen en actividades de aprendizaxe dunha variedade de idiomas estranxeiros.
Fonte: Gazeta do Rossio
O Consello de Europa recoñeceu nun informe os esforzos realizados por Noruega para aplicar a Carta Europea das Linguas Rexionais ou Minoritarias.
Fonte: Council of Europe
Subscríbase ao boletín
