Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
Ante as críticas recibidas pola difusión dun cartel promocional en español da Feira do Moble da Estrada, desde a organización explicaron que se debeu a un erro debido, posiblemente, á instalación de materiais destinados a localidades de fóra de Galicia.
Fonte: La Voz de Galicia
Segundo os organizadores, o grande éxito de participación que rexistrou a 41 edición da Escola Occitana de Verán, celebrada na localidade aquitana de Villeneuve-sur-Lot, é mostra do crecente interese pola lingua occitana en Francia.
Fonte: Jornalet
Con motivo do 40 aniversario da independencia de Angola, o goberno da provincia angolana de Huíla organizará na cidade de Lubango o primeiro seminario científico sobre a situación da lingua portuguesa en Angola.
Fonte: Agência Angola Press
Trátase de 13 novos proxectos de escrita de guión e de realización de curtas e longametraxes en versión orixinal galega que recibirán unha subvención da Axencia Galega das Industrias Culturais. Un dos obxectivos destas axudas é fomentar o emprego do idioma galego no sector audiovisual.
Fonte: Agadic
Preténdese traducir de inglés a catalán a interface para Android de Twitter para o que se buscan tradutores voluntarios que deben cumprir certos requisitos.
Fonte: Generalitat de Catalunya
Por segunda vez, tras o éxito de Loreak, unha película rodada en éuscaro compite pola Concha de Ouro. Trátase de Amama, de Asier Altuna.
Fonte: Deia
As persoas consumidoras de Galicia poden usar calquera das linguas oficiais da comunidade nun establecemento comercial e non poderán ser discriminadas por este motivo. Pola súa banda, os establecementos tamén poden elixir entre o galego e o castelán, en función da súa decisión persoal ou empresarial.
Fonte: Galicia Confidencial
A usuaria de Bla Bla Car rexeitou compartir coche cun concelleiro do BNG porque este lle respondeu en galego. El publicou nas redes sociais unha captura de pantalla da conversa mantida por WhatsApp onde se reflectía esta negativa.
Fonte: El Comercio
A quinta Xornada de Patrimonio Lingüístico e Cultural centrarase na variante lingüística oriental do asturleonés.
Fonte: Diario de León
Co gallo da celebración do Día de Asturias, o vindeiro 8 de setembro, a Xunta pola Defensa da Lingua Asturiana (XDLA) pide que se aproveite esta data para mostrar a nova política lingüística do Executivo autonómico.
Subscríbase ao boletín
