O Centro de Investigación para a Excelencia na Dinámica das Linguas de Australia está levando a cabo un traballo de documentación de dez linguas indíxenas que están ao bordo da extinción.
Fonte: The Guardian
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
20 de agosto de 2015
Un centro universitario de Río Grande do Sur (Brasil) impartirá clases de portugués como segunda lingua a emigrantes haitianos que viven no estado.
Fonte: Gazeta do Sul
20 de agosto de 2015
O Campus de Patinaxe Inclusiva de Culleredo celebra a súa segunda edición na que contará cun plan de inmersión lingüística destinado a nenas e nenos inmigrantes.
Fonte: La Opinión de A Coruña
20 de agosto de 2015
Os lectores de lingua vasca en centros superiores situados no estranxeiro recibirán cursos formativos organizados pola Universidade do País Vasco e o Instituto Etxepare.
Fonte: Crónicas de la Emigración
20 de agosto de 2015
A novena edición do Concurso de Grupos Musicais premiará con 6000 euros o grupo gañador e entregará un premio especial para o mellor grupo en éuscaro.
Fonte: 20 Minutos
20 de agosto de 2015
A Dirección Xeral de Política Lingüística organiza, entre outras actividades, cursos de catalán e de occitano, no marco da 47ª edición da Universidade Catalá de Verán (UCE) que se celebra do 16 ao 23 de agosto.
Fonte: Generalitat de Catalunya
19 de agosto de 2015
O Goberno vasco e a Xunta de Galicia organizan, o 1 e o 2 de setembro, o seminario “O lugar do éuscaro e das demais linguas nun contexto multilingüe, á luz das achegas de Koldo Mit xelena e Ramón Piñeiro” con motivo do centenario do nacemento de ambos os dous intelectuais.
Fonte: Noticias Press
19 de agosto de 2015
Esta discusión non é nova, pero o anuncio de que se vai introducir o daridja no ensino causou indignación entre os islamo-conservadores.
Fonte: Le Matin Algérie
19 de agosto de 2015
O debate sobre o recoñecemento das linguas minoritarias en Francia introduciuse na campaña electoral para as eleccións rexionais.
Fonte: Loractu
19 de agosto de 2015
A Escola Oficial de Idiomas de Ferrol abriu o prazo para inscribirse nos cursos preparatorios para os certificados de lingua galega, Celga, e para o Curso Superior de Linguaxe Administrativa Galega.
Fonte: La Voz de Galicia
Boletín
Subscríbase ao boletín
